JESHI LA LA POLISI LINAMSHIKILIA MWALIMU KURWA NELSON WA SHULE YA MSINGI IWAFI KWA TUHUMA ZA KUMBAKA MWANAFUNZI WA MIAKA 12

 KAIMU KAMANDA WA JESHI LA POLISI MKOA WA NJOMBE  JOHN CHARLES TEMU AKITOA TAARIFA YA KUBAKWA KWA MWANAFUNZI MWENYE UMRI WA MIAKA 12.

Jeshi La Polisi Mkoa Wa Njombe Linamshikilia Mwalimu Kurwa Nelson Wa Shule Ya Msingi Iwafi Kata Ya Idamba  Kwa  Tuhuma Ya Kuwa Na Mahusiano  Ya Kimapenzi Na Mwanafunzi Mwenye Umri Wa Miaka 12 Anayesoma Darasa La Sita Katika Shule Hiyo Kinyume Na  Maadili Ya Kiutumishi  Ambapo Uchunguzi Ukikamilika Anatarajiwa Kufikishwa Mahakamani Wakati Wowote.

Kaimu Kamanda Wa Jeshi La Polisi Mkoa Wa Njombe  John Charles Temu Amethibitisha Kushikiliwa Kwa Mwalimu Kurwa  Nelson Wa Shule Ya Msingi Iwafi Wilayani Njombe  Ambapo Mtuhumiwa  Huyo  Amekamatwa Mnamo Mei 21  Kwa Tuhuma Za Kuwa Na Mahusiano Ya Kimapenzi Na Mwanafunzi  Wake Kwa Kipindi Tofauti.

Diwani wa Kata ya Idamba Wilayani Njombe Melkizedeki Kabelege Amekili Kupata Taarifa Ya Mwalimu Huyo  Kushikiliwa  Kwa Tuhuma Za Kuwa Na Mahusiano  Ya  Kimapenzi  Na  Mwanafunzi Wake  Licha Yakusema Hajapata Taarifa Rasmi Kutoka Kwa Viongozi Wa Kijiji Hicho Na Kulazimika Kuwaagiza Maafisa Watendaji wa Kata ya Idamba na Kijiji cha Iwafi Kufuatilia Tukio Hilo Kisha Kutoa Taarifa Katika Ofisi Yake.

Diwani Kabelege Ametoa Maagizo Kwa Watendaji Hao wa Kata na Kijiji Kufuatia Taarifa Zinazozagaa Katika Kijiji cha Iwafi Juu ya Tuhuma za Mwalimu Kumbaka Mwanafunzi Huku  Viongozi Wa Serikali  Ya Kijiji Wakishindwa Kutoa Taarifa  Za  Mwalimu Huyo Anayeshikiliwa Na Jeshi La Polisi Wilaya Ya Njombe Tangu Mei 21 . .

Aidha Diwani Huyo Ameonesha Kusikitishwa Kwake na Viongozi wa Vijiji Kwa Kushindwa Kuonesha Ushirikiano Juu ya Matukio Yanayojitokeza Huku Akiwaomba Wananchi Kushirikiana na Vyombo Vya Sheria Katika Kupambana na  Vitendo Vya  Unyanyasaji , Ukatili Pamoja na Uhalifu.