ASKALI WATATU WAFUKUZWA KAZI NJOMBE

      KAMANDA WA POLISI MKOA WA NJOMBE  SACP FULGENCE NGONYANI AKIWA OFISINI KWAKE

Na Michael Ngilangwa

Jeshi la Polisi Mkoani  Njombe  Limewachisha Kazi Askali  wake Watatu  Ambao  Ni Askali wenye namba G. 3172 PC Ramadhani  Idd Said, G. 9693 PC Emmanuel Morson  Lyimo Na Namba  H. 2672 PC Miraji Jumanne Mtea Kwa  Kosa la Utomvu wa Nidhamu  likiwemo la Kupigana Hadharani.

Akizungumza na Uplands fm radio Kamanda wa Jeshi la Polisi Mkoa wa Njombe SACP Fulgence Ngonyani Amesema hatua ya Jeshi hilo kuwafukuza kazi Askali hao imetokana na kujihusisha na Matukio maovu Kinyume na Mwendo Wa Jeshi hilo Ikiwemo  tukio la hivi karibu la Kupigana Hadharani lililotokea October 24 mwaka huu.

Kamanda Ngonyani Amesema  Jeshi la Polisi Mkoa wa Njombe Limeamua Kutoa Adhabu hiyo   Ili kuwa Fundisho Kwa Watumishi Wengine   Ambapo Pamoja Na Mambo Mengine Limewataka Wananchi Na Viongozi  Mkoani hapa Kutoa Taarifa mapema kwa viongozi  husika Pindi Watakapo Waona Askali hao wanaendelea na Kazi ya Kiaskali. 

Katika Hatua Nyingine Jeshi  Polisi Mkoani Hapa Linamshikilia Mkazi Mmoja wa Mlangali  Keneth Mwakila Mwenye  Umri Wa Miaka 52 Kwa Tuhuma za Kupatikana Na Dawa Za Kulevya  Gramu 200 Aina ya Bangi Ambazo zilikutwa  Kibandani kwake wakati wa Msako ulioendeshwa  Hivi  Karibuni.

  SACP Fulgence Ngonyani Amesema Jeshi Hilo bado Linaendelea Na Msako Wa Kuwapata  Waliohusika na  Tukio la Kuvunja Na Kuiba Pikipiki Namba T 985 CBU Aina Ya T BETTER yenye  Thamani ya Shilingi Milioni  Moja na Laki saba Mali ya Bwana Rameck  Nombo Mkazi wa  Mtaa wa Ruhuji Ambayo Iliibiwa Mnamo October 25 Mwaka Huu.