MAJAMBAZI WASHINDWA KUPOLA GARI AINA YA TAX MJINI NJOMBE BAADA YA JITIHADA ZA WANANCHI WA MITAA YA KIBENA KWENDA KUMUOKOA DEREVA ALIPOPIGA YOWE

 RPC Mkoa wa Njombe ACP Fulgence Ngonyani akiwa ofisini kwake akizungumza na waandishi wa habari kuhusiana na matukio mbalimbali ya mkoa wa Njombe.


Jeshi la Polisi Mkaoni Njombe Limethibitisha Kutokea Kwa Matukio Manne Likiwemo la Mhudumu wa Bar ya Livingstone Mjini Makambako Matha Mponda Aliyefariki Akipatiwa Matibabu Katika Kituo cha Afya cha Makambako.
 
Kamanda wa Polisi Mkoa wa Njombe ACP Fulgence Ngonyani Amesema Marehemu Alikutwa Chumbani Mwake Akiwa Amepoteza Fahamu Huku Damu Zikimtoka Sehemu Zake za Siri Hali Iliyodhaniwa Kuwa Alikuwa Akijaribu Kutoa Mimba.

Kwa Mujibu wa Taarifa ya Jeshi la Polisi Iliyotolewa na Kamanda Huyo Kwa Vyombo Vya Habari Inaeleza Kuwa Watu Wasiofahamika Walivamia Nyumba ya Joseph Mlowe Mkazi wa Mjimwema Mjini Makambako na Kumjeruhi na Kitu Chenye Ncha Kali na Kufanikiwa Kuiba Pikipiki Aina ya Toyo Yenye  Namba za Usajili T.197 BTZ Ikiwa na Thamani ya Shilingi Milioni Moja na Laki Tatu.

Aidha Kamanda Ngonyani Amesema Tukio Lingine la Kujaribu Kunyang'anya Limetokea Maeneo ya Stop Lupembe Mtaa wa Kibena Baada ya Watu Wasiojulikana Kujaribu Kumteka Dereva wa Taxi Yenye Namba za Usajili T. 150 AUR Waliyokuwa Wamemkodi Kutoka Mjini Njombe.

ACP Ngonyani Amemtaja Dereva Aliyekuwa Ametekwa Kuwa ni Jacob Fusi Ambaye Alikuwa Amefungwa Kamba na Watu Waliokuwa Wamemkodi Kwa Lengo la Kumnyang'anya Fedha na Gari Alililokuwa Akiliendesha Lenye Thamani ya Shilingi Milioni Sita Mali ya Maliselino Mlowe.

Wakati Huo Huo Jeshi Hilo Linamshikilia Fuibert Mwanyika Kwa Tuhuma za Kusababisha Ajali na Kupelekea Kujeruhiwa Kwa Jordan Fwalo Ambaye Amelazwa Katika Hospitali ya Halmashauri ya Mji wa Njombe Kwa Matibabu.

Kamanda Huyo wa Polisi Amesema Mtuhumiwa Akiwa Anaendesha Gari Lenye Namba za Usajili T.293 AGT Aina ya Defender Mali ya Kanisa Katoliki Njombe Aliligonga Gari Lenye Namba za Usajili T.650 AEY Aina ya Toyota Hilux Lililokuwa Likiendeshwa na Jordan Fwalo.

ACP Ngonyani Amesema Matukio Hayo Yametokea Kwa Nyakati Tofauti Kati ya Oktoba 11 Hadi 13  Mwaka Huu na Kwamba Jeshi Hilo Linanendelea na Uchunguzi Dhidi ya Matukio Hayo.