HALMASHAURI YA WILAYA YA NJOMBE IMEFANIKIWA KUKUSANYA SHILINGI BILIONI MBILI KWA KIPINDI CHA MWEZI JULY-SEPT MWAKA WA FEDHA WA 2013/2014

KAIMU MWENYEKITI WA HALMASHAURI YA WILAYA NJOMBE  SHAIBU MASASI AKIONGOZA BARAZA LA MADIWANI  HII LEO  KATIKA UKUMBI WA HALMASHAURI YA WILAYA YA NJOMBE AKIWA NA KAIMU MKURUGENZI NA KAIMU KATIBU TAWALA MKOA WA NJOMBE ERNEST MKONGO.

 WAJUMBE WA BARAZA LA MADIWANI WA HALMASHAURI YA WILAYA YA NJOMBE

Halmashauri ya Wilaya ya Njombe Imefanikiwa Kukusanya Shilingi Bilioni Mbili

Kutoka Mapato ya Ndani na Ruzuku Kutoka Serikali Kuu Katika Kipindi cha Mwaka

wa Fedha 2013 / 2014 Huku Mapato ya Ndani Pekee Yake ni  zaidi ya Shilingi 

milioni mia moja hamsini na nne Sawa na Asilimia 24 ya Makisio ya Makusanyo

Aidha Katika Kipindi Hicho Halmashauri Hiyo Imetumia Shilingi Bilioni 1.422 Kwa

Ajili ya Matumizi Mabalimbali Ikiwemo Kulipa Mishahara ya Watumishi ,Matumizi

ya Ada Pamoja na Michango ya Sekondari  .

Akizungumza Wakati wa Kufungua Kikao cha Baraza la Madiwani Halmashauri ya

Wilaya ya Njombe Kaimu Mwenyekiti wa Halmashauri Hiyo Shaibu Masasi

Amewataka Madiwani wa Baraza Hilo Kuongeza Kasi za Ukusanyaji Mapato na 

Kuyasimamia Pamoja na Kudhibiti Matumizi Mabaya ya Fedha Hizo.

Akitoa Salamu za Serikali Kwenye Kikao Hicho Kaimu Katibu Tawala wa Mkoa wa

Njombe Ernest  Mkongo Amewataka  Madiwani Hao Kushirikiana Katika Kusimamia

na Kuhamasisha Shughuli za Maendeleo Katika Majimbo Yao.

Wakisoma taarifa za mapato na matumizi watendaji wa kata mbalimbali zilizopo

katika halmashauri ya wilaya ya Njombe wamezungumzia mafanikio na changamoto

zinazowakabi katika kata zao

Kwa upande wao wajumbe wa baraza la madiwani halmashauri ya wilaya walichangia

mawazo mbalimbali huku baadhi yao wakitaka kufahamu taratibu zinazotumika

kuwaajiri watumishi hususani walimu na kwamba baadhi ya maeneo kuna walimu

wengi kuliko maeneo mengine.