MAADHIMISHO YA SIKU YA SHERIA NCHINI KWA MKOA WA NJOMBE YAFANYIKIA MAHAKAMA YA WILAYA YA NJOMBE AMBAPO SHERIA ZIMEOMBWA KUTEKELEZWA BILA KUJALI UDINI,UKABILA NA URANGI.

  WACHUNGAJI,MAPADRE NA MAHSEHE WAKIWA KATIKA MAADHIMISHO YA SIKU YA SHERIA NCHI.
HOTUBA YA WAKILI WA SERIKALI  BWANA ABIMAK MABROUK MBELE YA MGENI RASMKI.

 MGENI RASMI AKITOA HOTUBA YA ERNEST MKONGE MBELE YA WADAU WA SHERIA MKOA WA NJOMBE

 HAKIMU WA MAHAKAMA YA WILAYA YA NJOMBE RWANZILE AKITOA HOTUBA MBELE YA MGENI RASMI SIKU YA SHERIA NCHINI.

 PICHA ZA PAMOJA NA WATUMISHI MBALIMBALI WAKIWEMO WATUMISHI WA MUNGU.

KUMALIZIKA KWA SHEREHE SASA WAELEKEA MAKWAO  MGENI RASM AKITOKA GETINI KATIKA MAHAKAMA YA WILAYA YA NJOMBE.

Mkuu wa mkoa wa Njombe Captain Mstaafu Asseri Msangi ameviomba vyombo vya maamuzi vya sheria pamoja na viongozi wa mkoa na wilaya kuwa karibu na wananchi na kutoa huduma za kutendewa haki kwa karibu zaidi kuliko ilivyo sasa ili kuwaridhisha wananchi na maendeleo yasonge mbele katika mkoa wa Njombe.

Akizungumza kwa niaba ya mkuu wa mkoa wa Njombe katika maadhimisho ya siku ya sheria nchini kaimu katibu tawala wa uchumi na uzalishaji mkoa wa Njombe Ernest Mkonge amesema mkoa wa Njombe unakabiliwa na changamoto kubwa ya ukosefu wa mahakama na mahakimu wa wilaya na mwanzo Ambapo ametaja ushirikiano kwa viongozi ili kutatua tatizo hilo.

Katika hotuba yake bwana Mkonge amewataja viongozi wa dini na siasa kuwa wanaushawishi mkubwa kwa wananchi na kuwaomba  wananchi kuzitii sheria za nchi zilizopo ambazo hazikinzani na sheria zilizowekwa na nchi kupitia mahubili yao ili kulinda amani na utulivu ikiwa ni pamoja na kukemea maovu yote ya mauaji,rushwa  na ujambazi ili wananchi watii sheria na kudumisha utawala wa sheria.

Akitoa hotuba ya mahakama ya wilaya ya Njombe hakimu mkazi  Mfawidhi Mwandamizi wilaya ya Njombe Augustino Rwanzile amesema kwa kawaida somo la utawala wa sheria ni pana sana na kusema kuwa haliishii katika kutekeleza sheria zilizopo bali linakwenda mbali zaidi na kuangalia kama sheria zenyewe ni za haki.

Lakini katika hotuba yake bwana Rwanzile imeanisha mambo muhimu yanayoweza kutoa ufafanuzi jadidifu  kwamba kwa sasa nchi yetu imekumbwa na wimbi kubwa la mmomonyoko wa maadili ufisadi,  vitendo vya rushwa,kujilimbikizia mali sivyo halali,kutowajibika kwa viongozi na watumishi wa umma,utomvu wa nidhamu,matumizi mabaya ya madaraka ambapo hayo yote yanasababishwa na kutotekelezwa kwa sheria zilizopo.

Amesema katika muktadha huo uhuru na usawa wa raia  kwa maoni yake ni musingi muhimu wa utawala wa sheria  ambapo kwa sasa kuna maswali mengi ya kujiuliza kama.

Je? kuna uhuru na usawa wa raia katika jamii ya sasa ya mtanzania?

Je? nchi yetu inafuata utawala wa sheria?

Je? shereia zilizopo zinatekelezwa ipasavyo?

Nas je? sheria zenyewe ni za haki ama kandamizi? ambapo katika kujibu maswali hayo alijaribu kueleza viashiria vya maswali hayo kwamba

Huko  Karatu Mtanzania mmoja alikamatwa baada ya kushtukiwa kuiba simu watu wenye hasira kali walimkata masikio na kumlazimisha ayale na baada ya kuyala wakamuua na kumchoma moto baada ya hapo wakatawanyika,huko Ngala wa jeshi la polisi  walimkamata mtuhumiwa wa makosa ya usalaama barabarani katika kubishana kati ya askali wawili na mtuhumiwa wao askali mmoja akaamua kumupiga risasi mtuhumiwa na kumuua baada ya hapo wananchi walijikusanya na kwenda kuwauwa askali polisi hao na kwenda kuteketeza kituo cha polisi.

Alisema Iringa askali wakavamia mkutano wa siasa na wananchi wakatawanyika mwandishi wa habari aliyekuwa akirekodi matukio kati ya askali na raia akazingirwa na polisi akauwawa, katika mkoa wa Mara TFDA  waligundua dawa za za kufubaza virusi vya UKIMWI lakini uchunguzi ukabainisha dawa hizo zimesambazwa nchi nzima na waathilika wamekuwa wakizitimia kiwanda hicho kinamilikiwa na Mtanzania mmoja kwa kushirikiana na serikali ya Jamuhuri ya Muungano wa Tanzania  na baada ya Mgogoro huu mmiliki wa kiwanda hicho akachaguliwa  kuwa mwenyekiti wa chama cha siasa katika mkoa wa Dar es Salaam.

Bwana Rwanzile Alisema Yapo mengi aliyoyasema lakini kwa maoni yake amesema pengine hayo yote ni matokeo ya kupuuza utwala wa sheria.

Abimaki Mabrouk Amesema ili kuimarisha msingi madhubuti na imara wa utawala wa sheria nchini umoja kwa pamoja inatakiwa kuwa na nia na nguvu zaidi ya kuzuia,kupambana na kutokomeza adui rushwa ambalo ni janga la kitaifa.

Amesema serikali,taasisi zake,vyombo vya dola na watendaji wake ni lazima waichukie,kuikemea na kuiongopa kama ukoma ikiwa ni pamoja na kuchukuliwa hatua kali za kisheria  na kwa uwazi bila kujali vyeo,mali,umaarufu,dini,rangi na makabila kwa watoaji,wanaoomba  na wapokeaji rushwa.

Pamoja na hayo bwana Mabrouk  amesema serikali inatakiwa kuangalia namna ya kuboaresha maslahi duni ya watumishi  wa serikali hasa wale wanaohusika moja kwa moja na usimamiaji na utekelezaji wa sheria ikiwemo jeshi la polisi,mahakama,mawakili wa serikali na watendaji wa mfumo mzima wa haki jinai huku akisema mishahara,motisha na mazingira ya kazi viboreshwe kukidhi mahitaji na gharama  za kimaisha.