MIUNDOMBINU YA BARABARA YAWATESA WANANCHI LUDEWA ,NAULI ELFU 30 KWENDA TU

 

 

 HIZI NDIZO BARABARA ZA NJOMBE  AMBAZO ZIMEPANDISHA NAULI KUTOKA SHILINGI ELFU KUMI HADI KUFIKIA ELFU 30 KWENDA TU.

 

 

 

Picha kwa Hisani ya Mtaa kwa Mtaa Blog

Wananchi Wa Wilaya Ya Ludewa Mkoa  Wa Njombe Na Wilaya Ya Madaba Mkoa Wa Ruvuma Wameutaka Uongozi  Wa Pande Zote Mbili Kukutana Kujadili Namna Ya Kumaliza  Tatizo La Miundombinu Ya Barabara Inayowakabili Katika Maeneo Hayo Ili Waweze Kusafiri Na Kusafirisha Mazao Yao Kwa Urahisi  Kwenda Katika Masoko Ya Wilaya Ya Songea Na Njombe.

Rai Hiyo Imetolewa Na Wananchi  Hao Wakati Wakizungumza Na Waandishi Wa Habari Kuhusiana Na Changamoto Ya Usafiri Inayowakabili Wananchi Wa Maeneo Hayo  Na Kusema Kuwa Msimu  Wa Mvua Imekuwa Kikwazo  Kwa Magari Ya Abiria Na Mizigo Kuingia Mavanga  Kwaajili Ya Kuchukua Abiria Na Mizigo Ya Kupeleka  Njombe Na Madaba .

Aidha Wananchi Hao  Pia Wamemuomba Mbunge Wa Wilaya Ya Rudewa Kufanya Mazungumza Na Mbunge Wa Madaba  Na Kumaliza Tatizo La Uharibifu Wa Miundombinu Hiyo Ambapo  Kuna Maeneo Korofi Ya Upande Wa Kata Ya  Mavanga Wilaya Ya Ludewa Na Kuna Maeneo Yalioharibika Katika Wilaya Ya Madaba  Barabara Ya Kutokea Mavanga.

Kufuatia Kuwepo Kwa  Changamoto Hiyo Wananchi Hao Wamedai Kushindwa Kusafiri  Na Kushinda Na Watoto Bila Kupata Huduma Yoyote Ya Chakula  Na Wakati Mwingine Wanalazimika Kusafiri Usiku  Kutokana Na Magari Kukwama, Na  Ukosefu Wa Vyombo Vya Usafiri Hususani Msimu Wa Mvua  Kutokana Na Wamiliki Wake Kugomea Kupeleka Magari Kwa Kuhofia Kuharibika.

Akizungumzia Changamoto Hiyo Diwani Wa Kata Ya Mavanga Emmanuel Ngalalekwa  Amekili Kuwepo Kwa Changamoto Hiyo Ya Kukwama Magari Msimu Wa Mvua Na Kuwepo Kwa Usafiri  Mchache Wa Magari Hali Inayosababisha Wasafiri Kutembea Usiku Kuanzia Saa Tisa Usiku Kwenda Kwenye Kituo Cha Basi Kuwahi Usafiri Ambapo Amesema Serikali Bado Inaendelea Na Jitihada Za Kuweka Kifusi Kuondoa Adha Hiyo.