JESHI LA POLISI WILAYA LAWATAKA WANANCHI KUSAJILI NA KUHAKIKI SILAHA

 MKUU WA JESHI LA POLISI WILAYA YA NJOMBE  OCD SSP MSOLO H.MSOLO AKIZUNGUMZA  NA WAANDISHI WA HABARI

Jeshi La Polisi Wilaya Ya Njombe Limewataka Wananchi Wanaomiliki Silaha Kujitokeza Kwa Wingi Kupeleka Silaha Zao  Ili Zitambuliwe Kisheria  Ambapo Watakaoshindwa Kupeleka  Silaha Hizo Zihakikiwe Msako  Utakapo Anza  Watakaobainika  Kumiliki Kinyume Na  Maagizo Hayo Hatua Kali Zitachukuliwa Dhidi Yao.

Akizungumza Na Uplands Fm Mkuu Wa Jeshi La Polisi Wilaya Ya Njombe Msolo  Hamisi Msolo  Amesema Kuna Sheria Inayomuruhusu  Mwananchi Kumiliki Silaha  Kwa Kupitia  Sehemu Mbalimbali Za Kamati Na Wakaguzi  Ikiwemo  Kupitishwa Na Baraza La Kata ,Kamati Ya Ulinzi Wilaya Na Kamati Ya Usalama Ya Mkoa  Ambao Watathibitisha  Uhalali Wa Kumiliki Silaha  Yoyote.

OCD Msolo  Amesema Katika Zoezi La Umiliki Wa Silaha  Masharti Yake Ni Kwamba Yeyote Anayemiliki Silaha Kihalali Anatakiwa  Apeleke Silaha Yeke Akiwa Na Kitabu Cha Umiliki Wa Silaha Yake,Awe Amelipia Karo Zake Zote Na Kwamba Baada Ya Zoezi La Uhakiki Kumalizika Kitabu Chake Atakachopewa Kiwe Kimeandikwa Silaha Yake Imesajiliwa Tarehe Ya Alipokwenda Kusajili Na Askali Aweke Namba Zake Aliyefanya Zoezi Hilo.

OCD Msola Amesema Zoezi La Msako Litaanza Kufanyika Baada Ya Mwezi June 30 Ikiwa Limeanza April Mosi Mwaka Huu  Na Kwamba Sheria Ya Kumiliki Silaha Inazingatia Umri Na Sababu Ya Kutaka Kumiliki Silaha  Nakusema Kuwa Sababu Moja Wapo Ni Kulinda Mali Zake  Na Usalaama Wake Mwenyewe Binafsi .

Tayari Hadi Sasa Baadhi Ya Wananchi Wanaomiliki Silaha Wameanza Kujitokeza Kwenda Kuhakiki Silaha Zao Katika Ofisi Ya Ocd  Wilaya Ya Njombe  Ambapo Wito Unatolewa Kwa Wananchi Wote Wanaomiliki Silaha Zao Kujitokeza Kuhakiki Na Kusajili  Kwa Mujibu Wa Sheria.