JESHI LA POLISI MKOA WA NJOMBE LA WASHIKILIA WANANDOA WAWILI WAKAZI WA KIJIJI CHA LUSISI BAADA YA KUTUHUMIWA NA WANANCHI KWAMBA WANAHIFADHI NDONDOCHA{MISUKULE}KWENYE NYUMBA YAO

 
 KAMANDA WA JESHI LA POLISI MKOA WA NJOMBE WILBROAD MUTAFUNGWA AKIZUNGUMZA NA MTANDAO HUU OFISINI KWAKE KUHUSIANA NA MATUKIO HAYO LIKIWEMO LA USHIRIKINA LILOTOKEA KIJIJI CHA LUSISI KATA YA IGIMA WILAYA YA WANGING'OMBE.

 HIKI NI KIJIJI CHA LUSISI

KAMANDA WA JESHI LA POLISI MKOA WA NJOMBE WILBROAD MUTAFUNGWA AMESEMA WANANCHI WAACHE KUAMINI IMANI ZA USHIRIKINA  BADALA YAKE  WAENDELEE NA SHUGHULI ZA MAENDELEO KWANI WANA POTEZA MUDA WAO.

Jeshi la Polis Mkoani Njombe Linawashikilia Kwa Mahojiano Wanandoa Luben Nyagawa Miaka 73 na Anna Mgute Miaka 70 Wakazi wa Kijiji cha Lusisi Kwa Kile Kinachodaiwa Kujihusisha na Vitendo Vya Kishirikina.

Akizungumza na Uplands Redio Kamanda wa Jeshi la P0lisi Mkoa wa Njombe Wilbroad Mutafungwa Amekiri Kushikiliwa Kwa Wanandoa Hao na Kusema Kuwa Wanadaiwa Kuhifadhi Ndondocha (Misukule) Ambayo Ina Sadikiwa Kuwa ni Watoto Wao Waliofariki Mwaka Jana Kwa Kipindi Tofauti.

Kamanda Mutafungwa Amesema Kwa Mujibu wa Maelezo ya Baadhi ya Wananchi wa Kijiji cha Lusisi Wamedai Kuwa Ndondocha Hao Wamekuwa Wakionekana Nyakati za Usiku Katika Mazingira ya Kutatanisha.

Katika Hatua Nyingine Jeshi Hilo Linaendelea Kufanya Uchunguzi  Juu Ya Kifo Cha  Mwananchi Mmoja  Mkazi Wa  Kijiji Cha Itebetale  Makambako  Elias Mwaise  Mwenye Umri Wa Miaka 45 Ambaye Amekutwa Akiwa Amefariki  Kwenye Mfereji Wa Maji    Karibu Na Shamba Lake   Ambapo Imedaiwa Kabla Ya Kifo Hicho Alikuwa Na Ugomvi Na Mke Wake.

Kamanda Wa Polisi Mkoa Wa Njombe   Wilbroad Mutafungwa  Amesema  Tukio Hilo Limetokea Februari  Tisa  Mwaka Huu   Baada Ya Ugomvi Na Mke Wake  Ambao Ulitokana Na Mke Wake Kuzaa Mtoto  Wa Nje Ya Ndoa Na Kusababisha  Marehemu Kupatwa Na Jaziba Na Kuchoma Nguo Na Matandiko  Wanayolalia.

Kamanda Mutafungwa Amesema  Ugomvi Huo Ulianza Kutokea Tangu Tarehe 30  Ya Mwezi Januari   Kutokana Na Kitendo Cha Mke Wake Kuzaa Mtoto Nje Ya Ndoa  Na Kuamua  Kuchoma Mashuka Na Magoro  Ambapo Kifo Cha Marehemu Huyo Kinachunguzwa Ili  Kujua Ukweli Wa Tukio Hilo Kama  Ameuwawa Na Watu Ama Kajiuwa Mwenyewe.

Aidha Kamanda Huyo Amesema Wananchi Mkoani Njombe Wanatakiwa Kuonesha Ushirikiano  Kwa Jeshi La Polisi Na Viongozi Wa Serikali  Za Maeneo Wanapopatikana Kwa Kutoa Taarifa Zozote Za Uvunjifu Wa Amani  Na Uharifu Ambao Utakuwa Unajitokeza Kwenye Maeneo Hayo.

Kwa Upande Wao Wajukuu wa Watuhumiwa Waliohojiwa na Uplands Redio Kuhusiana na Tukio Hilo Wamesema Kuwa Bibi Yao Anna Mgute Amekuwa Akiwaambia Kuwa Baba Zao Bado Wapo Hai ,Huku Baadhi ya Wananchi wa Lusisi Wakishauri Kutojihusisha naVitendo Vya Uvunjifu wa Amani Kuhusiana na Tukio Hilo .

Mtandao Huu Umemuhoji Mwenyekiti wa Kijiji cha Lusisi Leonad Ngibudzi Kuhusiana na Tukio Hilo Ambaye Hakuwa Tayari Kulizungumzia Suala Hilo Kwa Madai Kuwa Yeye Si Msemaji wa Kijiji Huku Katika Maelezo Yake Akikanusha Kuwepo  Kwa Hali Hiyo.