MOTO MKUBWA WATEKETEZA MALI ZA MKAZI MMOJA MTAA WA MPECHI

NGUO NA MALI NYINGINE ZIMEUNGUA NA MOTO HUO

HIKI NI CHUMBA AMBACHO MALI ZIMETEKETEA KWA MOTO  BAADA YA SHOTI YA UMEME KUTOKEA NA MOTO HUO KUUNGUZA MALI HIZO

HAWA NI BAADHI YA MASHUHUDA WALIOKUWEPO  HUKU BAADHI WAKIONEKANA KUIKIMBIA KAMERA NA KUFICHA NYUSO ZAO ZISIONEKANE

VIONGOZI WA MTAA WAKIANGALIA JINSI ILIVYOKUWA  CHUMBANI MOTO ULIKOTOKEA

HUYU NI MWENYEKITI WA MTAA WA MPECHI SALOME MDEM AKIZUNGUMZA NA WANANCHI WALIOKUWEPO

VIONGOZI WA CHAMA CHA MAPINDUZI WILAYA WAKIINGIA KUANGALIA ATHALI ZILIZOMKUTA MFANYAKAZI WAO AMBAYE AMEUNGULIWA NA MALI ZAKE

 Na Michael Ngilangwa-Njombe

Moto Mkubwa umeibuka na kuteketeza  baadhi ya mali   za mkazi mmoja wa mtaa wa Mpechi  Bi.Enea Mgaya  Ambaye ni mfanyakazi wa ofisi ya Chama cha mapinduzi Wilaya ya Njombe  uliotokea leo majira ya saa saba mchana wakati wamiliki wa nyumba hiyo wakiwa hawapo.

Wakizungumza na mtandao huu  baadhi ya mashuhuda wa tukio hilo wamesema Chanzo cha moto huo  huenda ni shoti ya umeme   Ambapo wamesema ukweli zaidi  unaendelea kuchunguzwa na vyombo vya usalama.

Aidha Wananchi hao  wameshukuru  jitihada  za kufanikisha kuokoa baadhi ya mali  ndani ya nyumba hiyo Na kwamba jitihada hizo zinapaswa kuendelezwa  hata  maeneo mengine pindi msaada unapohitajika  Huku mama mmoja ambaye jina lake halikufahamika,  akiwa eneo la tukio hilo akitaka taarifa zisichukuliwa na kutangazwa kwenye vyombo vya habari kwa sababu zake binafsi.

Akizungumza na Mtandao huu Msimamizi wa nyumba hiyo bwana  Isack Mlowe  ameshukuru wananchi kwa jitihada  walizoonesha katika tukio hilo    na kwamba chanzo halisi  hakijafahamika Ambapo imedaiwa kuwa huenda tukio hilo likahusishwa na  shoti ya umeme.

michaelngilangwa.blogspot.com wa  Mtandao huu iliutafuta Uongozi wa mtaa  huo  Akiwemo Afisa mtendaji   Isabela  Malangalila  na mwenyekiti wake Salome Mdem Ambao wamethibitisha kutokea kwa tukio hilo na kwamba uchunguzi bado unaendelea kubaini chanzo chake huku jitihada za kusaidia wahanga hao zikiendelea.

Hata hivyo viongozi hao  wamewatupia lawama wananchi na barozi wa  eneo hilo kwa  kushindwa kutoa ushirikiano kwa viongozi  wa mtaa    jambo Ambalo wameahidi kutoa elimu  ya utawala bora kwenye mikutano ya hadhara  kuhusiana na mabarozi kutoa taarifa za matukio  yakiwemo ya wizi na moto .

Kwa upande wake Katibu wa Chama cha Mapinduzi Wilaya Ya Njombe Clemence Mponji Akiwa eneo la Tukio amesema wasamalia na wadau mbalimbali wajitokeze kuwasaidia wahanga hao  kwa msaada wowote  wakati wahanga wakiendelea na jitihada za kutafuta mali nyingine .