Ligi ya taifa ngazi ya mkoa kwa mkoa wa Njombe imeendelea leo katika uwanja wa sabasaba kwa timu ya Zamalecki fc ya Njombe dhidi ya timu ya polisi fc ya Njombe ambapo hadi dakika tisini za mchezo kumalizika timu ya polisi fc imeweza kutoka na ushindi wa magori matatu kwa moja.
Katika mchezo huo kwa siku ya leo timu hizo zilianza kwa kutambiana kwa kila timu ikisema itatoka na ushindi ambapo mchezo ulikuwa ukichezwa kwa kasi jambo lililowavutia mashabiki wa timu kati ya timu hizo mbili ambapo kunako kipindi cha kwanza timu hizo zilishindwa kutambiana baada ya kutoka na sale ya kuto kufungana.
Kunako dakika ya 55 katika kipindi cha kwanza timu ya polisi fc ilianza kumchokoza Zamaleck fc kwa kufunga bao la kwanza kupitia mshambuliaji wao Ramadhani Kitete jambo lililoifanya timu ya zamalecki kuongeza kasi ya uchezaji kwa nia ya kurudisha bao hilo ambapo hali ilizidi kuwa ngumu kwake.
Katika hatua nyingine wakati timu hizo zikiendelea kuchuana vikali ndani ya uwanja wa sabasaba mshambuliaji wa timu ya polisi fc nyota wa timu hiyo Ramadhani Kitete ameonekana kung'ara uwanjani hapo baada ya kuandika goli la pili kunako dakika ya 69.
Kunako dakika ya 85 polisi fc wakaandika tena goli la tatu baada ya kuishambulia vikali timu ya Zamaleck goli lililo fungwa kupitia Jackson Wawa goli liliifanya timu hiyo kutoka na ushindi wa bao tatu kwa moja huku timu hiyo ikitarajia kujipanga kikamilifu ili kuikabili timu ya Njombe mji katika ligi ijayo ya siku ya jumatano wiki ijayo.
Wakati mchezo huo ukiendelea huku mashabiki wa timu ya Zamaleck wakiendelea kujipa moyo wa kurudisha mabao hayo ya polisi kunako dakika ya 75 Rashid Nyenzi akaandika goli la kufutia machozi mbalo limedumu hadi dakika tisini zinakwisha pasipo kuongeza lingine.
No comments:
Post a Comment