TIMU YA POLISI NJOMBE LEO IMEKABIDHIWA VIFAA VYA MICHEZO TOKA KAMPUNI YA DAR CHAINSAWS AGENCIES TOKA DAR ES SALAAM

 TIMU YA POLISI NJOMBE WAKISHUHUDIA KUKABIDHIWA VIFAA HIVYO VYA MICHEZO

 AKIKABIDHIWA VIFAA HIVYO KAMANDA WA POLISI ACP FULGENCE NGONYANI   ASUBUHI YA LEO

 BWANA MWAINSASU AKIKABIDHI JEZI KWA KAMANDA WA JESHI LA POLISI MKOA WA NJOMBE

Kampuni ya biashara ya Dar Chainsaws Agencies  kutoka Dar es Salaam leo imekabidhi

vifaa vya michezo kwa timu ya polisi  ya mkoa wa Njombe vyenye thamani ya shilingi

milioni tano  ambapo pamoja na mambo mengine wachezaji wametakiwa kujikita zaidi

katika kuboresha kiwango cha michezo na kutambua kuwa michezo ni ajira.

Vifaa vilivyokabidhiwa na Kampuni hiyo ni pamoja na jez seti tisa,mipira kumi na

mbili,bips za mazoezi 25 vyote vikiwa na jumla  ya shilingi milioni tano.

Akizungumza wakati wa kukabidhi vifaa hivyo kwa niaba ya mkurugenzi wa Kampuni hiyo

,afisa masoko kutoka kampuni ya biashara ya Dar Chainsaws   Agencies bwana Greyhpord

Mwansasu maarufu kwa jina la IPINDA amesema kuwa zoezi la kukabidhi vifaa hivyo ni la

mwendelezo na kwamba kampuni hiyo ipo tayari kutoa vifaa hivyo  kwa timu

itakayoonesha moyo wa kushiriki michezo kikamilifu itaweza kusaidiwa vifaa mbalimbali

vya michezo toka kwa kampuni hiyo.

Aidha bwana Mwainsasu amesema kuwa siku chache zilizopita kampuni hiyo ilifanikiwa

kukabidhi vifaa vya michezo kwa timu ya Njombe United vifaa vyenye thamani ya shilingi

milioni moja na laki tano  zoezi lililofanyika mnamo september 15 mwaka huu.

Amesema kuwa kampuni hiyo bado inaendelea na udhamini zaidi kwa michezo

mbalimbali inayoendelea kufanyika mkoa wa Njombe  huku akiwataka vijana kushiriki

michezo hiyo kwa wingi ili kupunguza idadi ya wazururaji na vibaka.

Akizungumza mara baada ya kupokea vifaa hivyo vya michezo toka kwa kampuni ya Dar C   

hainsawes kamanda wa jeshi la polisi mkoa wa Njombe ACP Fulgence Ngonyani

ameishukuru kampuni hiyo kwa kusaidia vifaa hivyo katika timu zinazoshiriki ligi daraja la

mkoa na kwamba kampuni hiyo iliweza kuwaahidi kuwapatia na hatimae leo

wamekabidhiwa.

Aidha kamanda Ngonyani amesema kuwa anatoa wito kwa wadau wengine kujitokeza

kuisaidia timu ya polisi Njombe  ili iweze kusonga mbele huku akiwaasa wachezaji wa timu

hiyo kuwa msaada huyo walioupata uwe moja ya kivutio kwa wengine kwa kumuunga

mkono kuonesha matunda yanayotarajiwa kwa kuonesha kiwango katika michezo.