MKUU WA MKOA WA NJOMBE CAPTAIN MSTAAFU ASERI MSANGI AZUNGUMZA NA WAANDISHI WA HABARI LEO KUHUSU UZINDUZI WA MKOA WA NJOMBE NA UJIO WA RAIS WA JAMUHURI YA MUUNGANO WA TANZANIA

MKUU WA MKOA WA NJOMBE CAPTAIN MSTAAFU ASERI MSANGI WAKIWA OFISINI KWAKE AKIONGEA NA WAANDISHI WA HABARI  NA WATUMISHI WA MKOA WA NJOMBE

HIZI NI OFISI ZA MKOA WA NJOMBE

Rais Jakaya Kikwete Anatarajia  Kufanya Ziara ya Siku Tano Mkoani  Njombe Kuanzia Oktoba 17 Hadi Oktoba 23 Mwaka Huu Kwa Kuzitembelea Wilaya Zote za Mkoa Huo Pamoja na Kujionea Shughuli za Maendeleo.
Katika Ziara Hiyo Rais Kikwete Atakagua na Kuzindua na Kuweka Mawe ya Misingi Kwenye Miradi Mbalimbali ya Maendeleo Pamoja na Vikundi Vya Ujasiriamali.

Akiongea na Waandishi wa Habari Ofisini Kwake Hii Leo Mkuu wa Mkoa wa Njombe Keptein Mstaafu Aseri Msangi Amesema Rais Kikwete Anatarajia Kuwasili Mkoani Njombe Oktoba 17 Jioni Akitokea Mkoani Iringa.
Keptein Mstaafu Msangi Amesema Lengo la Ziara Hiyo ni Kuzindua Rasmi Mkoa wa Njombe Ambao Utazinduliwa Oktoba 18 Mwaka Huu Majira ya Saa Nane Mchana Katika Uwanja wa Sabasaba Mjini Njombe na Kwamba Kabla ya Uzinduzi Huo Rais Kikwete Atakwenda Kutembelea Miradi ya Maendeleo Katika  Taarafa ya Lupembe na Kuzindua  Kiwanda cha Chai Ikanga

Akielezea Ratiba ya Ziara Hiyo ya Rais Mkoani Njombe Mkuu Huyo wa Mkoa Amesema Kuwa Rais Kikwete Akiwa Katika Wilaya za Mkoa Huu Ataembelea Migodi ya Machimbo ya Mawe , Chuma na Shaba.
Aidha Keptein Mstaafu Msangi Amesema Rais Kikwete Atahitimisha Ziara Yake Kwa Kufanya Majumuisho ya Ziara Hiyo Oktoba 22 Katika Ofisi za Mkoa na Kuondoka Mkoani Njombe Oktoba 23 Mwaka Huu.