MTOTO AMUUA BABA YAKE WILAYANI WANGING'OMBE KIJIJI CHA KOLINTHO KATA YA LUDUGA

 

 
RPC Mkoa wa Njombe ACP Fulgence Ngonyani akiwa ofisini kwake akizungumza na waandishi wa habari.


Mkazi wa Kijiji cha Kolinto Kata ya Luduga Wilaya ya Wanging'ombe
Elieza Mtemelwa Mwenye Umri wa Miaka 68 Ameuwawa Kwa Kukatwa Mapanga Sehemu Mbalimbali za Mwili Wake na Mtoto Wake Baada ya Kutokea Ugomvi.

Wakizungumza na Kituo Hiki Baadhi ya Wananchi wa Kijiji Hicho Wamesema Tukio Hili Limetokea jana Alfajiri Baada ya Kutokea Ugomvi Baina ya Marehemu na Mtoto Wake   Majira ya Saa Mbili Usiku .

Afisa Mtendaji wa Kata ya Luduga Abdu Gala Amethibitisha Kutokea Kwa Tukio Hilo  Ambapo Amemtaja Mtuhumiwa Kuwa ni Shuku Mtemelwa Mwenye Umri wa Miaka 23 na Kwamba Mara Baada ya Kufanya Mauwaji Hayo Amejisalimisha Katika Kituo cha Polisi Ilembula Kwa Ajili ya Usalama wake.

Kufuatia Tukio Hilo Bwana Gala Amesema Tayari Jeshi la Polisi Wilaya ya Wanging'ombe Limefika Eneo la Tukio Kwa Ajili ya Uchunguzi Zaidi Huku Akiwataka Wananchi Kuwa Wavumilivu na Kuacha Kujichukulia Sheria Mkononi Kwani Kufanya Hivyo ni Kinyume cha Sheria.

Wakati Huo Huo Mkazi wa Kijiji cha Matembwe Wilayani Njombe Gaudensio Mgaya Mwenye Umri wa Miaka 51 Amekutwa Amefariki Baada ya Kujinyonga Kwa Kutumia Mkanda wa Suruali Aliyokuwa Amevaa.

Mwenyekiti wa Kijiji cha Matembwe Daniel Nyarusi Amethibitisha Kutokea Kwa Tukio Hilo na Kusema Kuwa Marehemu Amekutwa Amejinyonga Akiwa Kwenye Miti ya Msitu Wake.

Bwana Nyarusi Ameeleza Kuwa Marehemu Aliondoka Nyumbani Kwake Tangu Septemba 17 Mwaka Huu Ambapo Hakujulikana Alikoelekea Hadi Hapo  Juzi Septemba 18 Majira ya Saa Mbili Usiku baada ya Mwili Wake kugunduliwa na mke wa Marehemu Merina Kihaka 

Kwa Mujibu wa Baadhi ya Ndugu wa Marehemu Wamesema Marehemu Gaudensio Mgaya Alikuwa Ana Sumbuliwa na Tatizo la Akili na Kwamba Chazo cha Kifo Hicho Bado Hakijajulikana.

Mwenyekiti Huyo wa Kijiji Amesema Mara Baada ya Kutokea Kwa Tukio Hilo Tayari Wametoa Taarifa Katika Kituo cha Polisi Lupembe Kwa Ajili ya Uchunguzi Zaidi, Huku Akiwataka Wananchi Kuacha Kujichukulia Sheria Mkanoni

Kamanda wa jeshi la polisi mkoa wa Njombe ACP Fulgence Ngonyani Amethibitisha kutokea kwa vifo hivyo na kwamba uchunguzi bado unaendelea huku aliyemuua baba yake wakiendelea na mahojiano kituoni hapo yatakapokuwa tayari atafikishwa mahakamani siku chache zijazo.