MBUNGE DEO SANGA AWACHARUKIA WANAOUZA MADAWA YA SERIKALI MBELE YA KINANA,AOMBA BATI 600 NA MIFUKO YA SARUJI 200 KWA KINANA



Mwenyekiti wa CCM Mkoa wa Njombe ambae pia ni Mbunge  wa  jimbo la Njombe kaskazin Deo Sanga (kushoto) akiwa na katibu mkuu wa CCM Taifa Abdulrahman Kinana mara baada ya  kuwasili viwanja vya polisi Makambako kwa ajili ya kuhitimisha  ziara yake mkoa wa Njombe leo.Na Francis Godwin.
....

Mbunge  wa  jimbo la Njombe Kaskazin Deo Sanga ameitata serikali  kuwachukulia hatua kali   madaktari  wa hospitali na zahanati za umma wanaouza  dawa badala ya  kutoa bure kwa  wagonjwa  wanaofika  kupatiwa matibabu katika Hospitali hizo  za umma.

Sanga ambae  ni mwenyekiti  wa chama  cha mapinduzi (CCM) mkoa  wa Njombe ametoa kauli  hiyo leo katika uwanja  wa Polisi Makambako  mbele ya katibu mkuu  wa CCM Taifa  Ndugu Abdalrahman Kinana  wakati  akieleza changamoto mbali mbali  zinazowakaba  wananchi  wa  jimbo lake hasa katika sekta  hiyo ya afya.

Sanga alisema  kuwa mbali ya  serikali ya CCM kuendelea  kutekeleza ilani ya chama hicho  kwa kasi kubwa ila kwa upande  wa idara  ya afya mbali ya serikali kuendelea  kuboresha sekta  hiyo ila bado changamoto kubwa ni hujuma zinazofanywa na madaktari hao kwa  kuuza  dawa  za umma katika maduka yao.

" Tunapenda  kuipongeza  sana  serikali yetu  ya CCM chini ya Rais Dkt Jakata Mrisho Kikwete kwa  kazi kubwa  inayoendelea kufanya katika kuwatumikia  wananchi ....ila naomba  leo kusema tena hapa kama nilivyopata  kusema bungeni  kuwa  serikali imekuwa  ikitoa dawa  bila kuangalia ongezeko  kubwa la  wananchi katika maeneo hayo kwani mbali ya  wananchi  kuongezeka ila kiwango  cha dawa  kinachotolewa ni kile kile cha miaka 10 iliyopita na mbaya  zaidi dawa  hizo  zinahujumiwa kwa kuuzwa katika maduka ya madaktari na  wauguzi"

Mbunge  huyo alitaka  kuwekwe  utaratibu  wa serikali kuwabana  wanaouza madawa ya umma katika maduka yao ikiwa ni pamoja na kutaifisha dawa  hizo kwa maslahi ya  umma.


 Katika  hatu nyingine Sanga alisema kuwa mbali ya kutekeleza ilani ya CCM katika  jimbo hilo kwa fedha za umma ila kupitia kampuni yake ya Jah People ameendelea  kufanya mambo makubwa katika  jimbo  hilo ikiwa ni pamoja na kata ya  ya mlowa  ambayo ameanza kujenga madarasa matatu wakati Itandililo  tumeweza  kupeleka mabati 180 huku  shule  ya msingi Magegele  tumeanza  ujenzi wa shule ya msingi kwa madarasa  mawili.

Pia  katika  eneo la Ninga amekabidhi msaada wa mabati 120kwa ajili ya   sekondari mpya pia  zipo Zahanati mbali mbali kwa kupeleka mashuka ,mablanketi na mambo mengine mengi ikiwa ni pamoja na kuanza kuweka lami katika barabara  za mji wa Makambako ambazo zilikuwa ni kero  kubwa

Hata   hivyo mbunge  huyo amemwomba msaada  wa bati 600 na saruji mifuko 200 katibu mkuu kwa ajili ya kusaidia ujenzi wa miradi mbali mbali ya maendeleo katika jimbo hilo ombi ambalo limekubaliwa na katibu  huyo ikiwa ni pamoja na kuahidi kuchangia kikundi cha wajasilia mali  Makambako  kiasi cha Tsh milioni 10