BENKI YA WANANCHI WA NJOMBE NJOCOBA YAANZA UTEKELEZAJI WA KUWEKA VITUO VYA ATM MASHINE

Katika Kuhakikisha Inaboresha Huduma Zake Kwa Wateja na Wananchi,Benki ya Wananchi wa Njombe NJOCOBA,Imefunga Mashine ya ATM Ambayo Inatarajiwa Kuboresha Huduma Za Benki Hiyo na Kurahisisha Upatikanaji wa Baadhi ya Huduma Ikiwemo ya Utoaji Fedha.

Akizungumza na Kituo Hiki Mkurugezi wa Njocoba Bwana Michael Ngira Amesema Mashine Hiyo Inayotarajia Kukamilika Hivi Karibuni Itasaidia Kupunguza Msongamano wa Wateja Wanaofika Kupatiwa Huduma Kwenye Benki Hiyo.

Amesema Wanatarajia Kufunga Mashine Nyingine Katika Vituo Vyao Vya Huduma Vilivyopo Wilayani Ludewa , Mji wa Makambako na Wilaya ya  Makete Ifikapo Mwakani Mara Baada ya Taratibu za Kibenki Zitakapokamilika.

Mwaka Jana Benki ya Wananchi wa Njombe Iliahidi Kuendelea Kuboresha na Kusongeza Huduma za Kibenki Kwa Wananchi Kwa Kufungua Matawi  Katika Wilaya na Miji ya Mkoa wa Njombe Pamoja na Kufunga ATM Mashine.