DC IRINGA AONGOZA KUOKOA WALIOKUMBWA NA KIPINDUPINDU

Na Mwandishi wetu, Iringa 

Mvua zinazoendelea kunyesha mkoani Iringa zimesomba mashamba na nyumba na kuwaacha wananchi wengi wakiwa hawana mahali pa kukaa. 

Vitongoji vilivyo athirika sana ni Kisanga, Nyallu, Makoka na Mbughani. Mpaka sasa bado idadi isiyo rasmi inakadiliwa watu zaidi ya 200 bado wamezingirwa na maji siku ya 4. 

Juhudi za uokoaji zikiongozwa na Mkuu wa Wilaya ya Iringa Mhe. Richard Kasesela zimefanikiwa kuokoa watu 399 kitongoji cha Kisinga, watu 38 kutoka kitongoji cha Makoka, na watu 23 kutoka kitongoji cha Nyalu. Jeshi la polisi lilitoa helicopter kusaidia uokoaji na pia kikosi cha Zimamoto na Uokoaji kilikuwa mstari wa mbele kwenye zoezi hilo. 

Maeneo mengi yalihitaji waogoleaji mahiri ili kuwafikia wananchi.
Zoezi linaendelea hado sasa. shule 2 zimetengwa kwa ajili ya kupokea wahanga wa mafuriko shule ya msingi Itunundu na shule ya msingi Kisanga.

Mkuu wa Wilaya ya Iringa Bw Richard Kasesela akiokoa watoto walikumbwa na mafuriko yenye vimelea vya kipindupindu Tarafa ya pawaga Iringa

Mkuu wa Wilaya ya Iringa Bw Kasesela na Makada wa CCM wakishiriki kuokoa wananchi waliokubwa na mafuriko

kitongoji cha Nyalu wamezingirwa na maji

Nyumba za Kaya zaidi ya 80 za kitongoji cha kitanewa, kijiji cha mapogoro Tarafa ya Idodi Wilayani Iringa zatakiwa kuhama

 

 

 

Nyumba za Kaya zaidi ya 80 za kitongoji cha kitanewa, kijiji cha Mapogoro Tarafa ya Idodi Wilayani Iringa zipo hatarini kuathiriwa na mafuriko endapo hazitahama eneo hilo ambalo ndipo mkondo wa maji ya Mto mapogoro umechekupuka.

Kufuatia hali hiyo serikali Wilayani Iringa imewataka wananchi hao kuhama eneo hilo na kuhamia kwenye eneo lililotengwa kijiji cha Mapogoro hadi mvua zitakaposimama na kujenga makazi ya kudumu huko kijijini.

Taarifa zaidi na Irene Mwakalinga kutoka Iringa Hapa ni kazi ya kurejesha mkondo wa maji kwenye njia yake ya asili ikiendelea kwa kuchimba mchanga na kupanua kingo ya bonde ambalo mto umehamia na kuziba maji yasiendelea kwenda kwenye makazi ya watu.

Aidha Kinachoonekana hapa ni moja ya shamba la mahindi na karanga ambalo limegeuka mto na kumegwa ardhi yake na kasi ya maji ambayo inaendelea kula ardhi hiyo.

Afisa Tarafa wa Idodi Yakub Kiwanga amesema  kuwa mkondo wa maji ya Mto huo umehama kutoka eneo la mtitiririko wake awali na kukatisha kwenye maeneo ya makazi ya watu ikiwa ni miaka zaidi ya 40 tangu mto huo ulipohama tena.

Kijiji cha Itunundu ndio kambi kubwa ya uokoaji

Mkuu wa Wilaya ya Iringa Mhe. Richard Kasesela akiongwea na na waathirika wakati wa zoezi la  uokoaji wa wananchi walioathirika na mafuriko kijiji cha Pawaga

Mkuu wa Wilaya ya Iringa Mhe. Richard Kasesela akiongwea na na waathirika wakati wa zoezi la  uokoaji wa wananchi walioathirika na mafuriko kijiji cha Pawaga

Mkuu wa Wilaya ya Iringa Mhe Richard Kasesela akikagua athari katika kijiji cha Mapogoro Tarafa ya Idodi Wilayani Iringa 

Mkuu wa Wilaya ya Iringa Mhe Richard Kasesela akiendelea kukagua athari katika kijiji cha Mapogoro Tarafa ya Idodi Wilayani Iringa