WAUGUZI NJOMBE WAUNGANA NA WAUGUZI WENGINE DUNIANI KOTE KUADHIMISHA SKUKUU YAO

 WAUGUZI WAKITOA BURUDANI YA MAIGIZO KWA MGEN RASMI

 TUMAIN MPONJI AKISOMA RISALA KWA MGENI RASMI

 MGENI RASMI AKIKABIDHIWA  RISALA  YA  WAUGUZI

 MC JIMMY NGUMBUKE AKITANGAZA UTARATIBU

Katika Kuadhimisha Siku Ya Wauguzi Duniani  Serikali Imeombwa Kutatua Baadhi Ya Changamoto  Mbalimbali   Zinazowakabili Watumishi Wa Umma Hususani Wauguzi  Ikiwemo Mishahara Na Kuboreshewa Mazingira Ya Kufanyia Kazi Pamoja Na Kuongeza  Vitendea Kazi  Na Dawa Kwenye Maeneo Ya Kutolea Huduma Za Afya.

Hayo Yamebainishwa Kwenye  Maadhimisho Ya Siku Ya Wauguzi Duniani  Ambayo Kwa   Halmashauri Ya Mji Wa Njombe Yalifanyikia Katika Ukumbi Wa Day To Day Kibena Yakiwakutanisha Wauguzi Wa Afya Waliopo Maeneo Mbalimbali  Ya Halmashauri Hiyo  Wakiwemo Wa Mijini Na Vijijini.

Akizungumza  Kwa Niaba Ya Mkurugenzi Wa Halmashauri Ya Mji Wa Njombe  B.Iluminata Mwenda Akiwa Mgeni Rasmi  ,Afisa Utumishi Wa Halmashauri Hiyo  Bwana  Gualbert  Mbujilo  Amesema Kuwa Kanuni Ya Utumishi Wa Umma  Ya Mwaka 2003  Kifungu Cha 1003 Sekisheni Ndogo Ya Kwanza Na Ya Pili  Inasema Mwajili Anatakiwa Kutengeneza Mpango Wa Mafunzo Wa Kila Mwaka Kwa Watumishi Wake.

Aidha Bwana Mbujilo Amesema Kuwa  Mwajili Ana haki Ya Kuwawezesha Baadhi Ya Watumishi Kwenda Kusoma Kutokana  Wakuu Wa Idara  Wa Halmashauri Kusahau Majukumu Yao  Na Kwamba Kila Mwaka Mkuu Wa Idara Anatakiwa Kutenga Fungu La Fedha Kwaajili Ya Kuwasaidia Wale Wanaokwenda Kusoma  Huku Akiwaomba Wafanyakazi Kupeleka  Gharama Mapema  Kwani Kusoma Ni Haki Ya Kila Mtumishi.

Amesema Kuwa Mtumishi Ambaye Amejiendeleza Kimasomo Anatakiwa Kupandishwa Cheo Mara Moja  Na Kuwataka  Watumishi Kuanzia Sasa Watakaokwenda Kusoma Wafike Katika  Ofisi Ya Utumishi  Ili Kutatuliwa Matatizo Yanayowakabili  Ikiwemo Ya Mishahara,Kupandeshwa Vyeo Kwa Waliojiendeleza Na Matatizo Mbalimbali Ya Kiutumishi.

Astrida Mwingira Ni Mwenyekiti  Msaidizi Wa Chama  Cha Wauguzi  Mkoa Wa Njombe   TANA  Amesema Kuwa Wauguzi Wanakabiliwa Na Changamoto Mbalimbali Ikiwemo Baadhi Ya Wauguzi Kuwa Wachache Katika Kuchangia Maadhimisho Hayo  Kwa Kutotambua Umuhimu Wake Ambapo  Ombi Kubwa Kwa Mwajili Wao Kutenga Fungu Kwaajili Ya Sherehe Hizo Huku Yalioandikwa Kwenye Lisala Mwajili Akitakiwa Kutatua Kwa Wakati.

Katika Risala Yao Iliyosomwa Na Tumain Mponji   Imeomba  Kujengwa Kwa Uzio  Kuzunguka Hospitali Ya Kibena  Kwaajili Ya Usalama Wa Wagonjwa Na Wauguzi ,Mhasibu Kuwa Na Fedha Ya Kununulia Vifaa Tiba Vya Dharula Pamoja Na Kupunguza Urasimu  Wa Kuidhinisha Fedha Ya Kununulia Vifaa Tiba.

Kauli Mbiu Ya Maadhimisho Hayo Ambayo  Imefanyika Mei 12 Inasema,  NGUVU YA MABADILIKO KATIKA KUFIKIA UTOAJI WA HUDUMA BORA,RAHISI,YENYE TIJA NA INAYOPATIKANA KWA WOTE{  A FORCE FOR CHANGE,CARE EFFECTIVE  ,LOST EFFECTIVE}.

Na Michael Ngilangwa