MH.MBUNGE VITI MAALUM MKOA WA NJOMBE DKT PINDI HAZARA CHANA AHAMASISHA BIMA YA AFYA KWA JAMII

 MBUNGE WA VITI MAALUM  MKOA WA NJOMBE DKT PINDI HAZARA CHANA

Mbunge  Wa Viti Maalumu Mkoa Wa Njombe Na Naibu Waziri Wa Maendeleo Ya Jamii,Wanawake,Njinsia Na Watoto  Dkt Pindi Hazara Chana  Amewataka Wananchi Kujiunga Na Mfuko Wa  Bima Ya Afya  Kwa  Kuchangia  Fedha  Shilingi Elfu Kumi Kwaajili Ya Matibabu Katika Hospitali,Vituo Vya Afya  Na Zahanati Kwa Manufaa Yao.

Rai Hiyo Imetolewa Na  Mbunge  Huyo  Dkt Chana Wakati Akizungumza Na Mtandao Huu  Kuhusiana Na  Watanzania Kujiunga Na Mfuko Wa Bima Ya Afya Kwani  Inaonesha Bado Hawaja Tambua Umuhimu Wa Mfuko Huo.

 Aidha Dkt Chana Amesema Kuwa    Ni Asilimia 20 Tu Ya Watanzania  Ambao Wamejiunga  Kwenye Mfuko Wa Bima Ya Afya  Ukiacha Watumishi Wa Serikali Na Taasisi Mbalimbali Za Serikali Na Watu Binafsi   Jambo Ambalo Linasababisha  Kugharamia  Matibabu Badala Ya Kwenda Kupata  Huduma Hiyo Bule.

Dkt Chana Ametumia Fursa Hiyo Kuzungumzia Semina Ya Siku Moja Ambayo Inatarajia Kutolewa  Mnamo Mei 26 Katika Ukumbi Wa Halmashauri Ya Wilaya Ya Njombe   Ambayo Inalenga Kuongeza Uelewa  Wa Kujiunga Kwenye Mfuko Wa  Bima Ya Afya  Kutoka Mfuko Wa Afya Ya Jamii.

Amesema Kuwa Semina Hiyo Inawalenga  Wawakilishi Wa Wananchi Kutoka Kila Kata Katika  Wilaya Ya Njombe Ambao Watakwenda Kutoa Elimu Hiyo Kwa Wananchi Vijiji Juu Ya Kujiunga Kwenye Mfuko Huo Na  Faida Zake  Ili Kupatiwa  Matibabu  Bure  Kwa Waliochangia Shilingi Elfu 10 Kwa Mwaka   Badala Ya Kulipia Fedha Kila Mgonjwa Anapokwenda Kwenye Huduma Ya Matibabu.

Kwa Upande Wao Baadhi Ya Wananchi Mkoani Njombe Wamekuwa Na Mtazamo Tofauti Kuhusiana Na Kujiunga Na Mfuko Huo Wa Bima Ya Afya   Kwa Kusema Kuwa Hawaoni Umuhimu Wa Kuchangia Mfuko Wa Bima Ya Afya Ikiwa  Katika Hospitali,  Vituo Vya Afya Na  Zahanati  Hakuna Uhakika Wa Kupata Matibabu.