WAZIRI WA MAENDELEO YA JAMII,WANAWAKE ,JINSIA NA WATOTO SOPHIA SIMBA AKIWA KATIKA KATA YA SAJA WILAYANI WANGING'OMBE

 HAPA WAZIRI WA MAENDELEO YA JAMII,WANAWAKE,JINSIA NA WATOTO  SOPHIA SIMBA AKITOA HOTUBA YAKE KWA WANANCHI WA KATA YA SAJA

 HAPA NI SAJA WAZEE NA VIJANA MBALIMBALI WAPO MAKINI KUMSIKILIZA WAZIRI WAO

 WATOTO NAO HAWAKUKAA MBALI KUMSIKILIZA WAZIRI HUYO

 SAFU ZA VIONGOZI MBALIMBALI WA UWT NA WATUMISHI WENGINE WA SERIKALI WAKIJIANDAA KUMPOKEA WAZIRI KABLA YA KUWASIRI KWENYE UWANJA WA MKUTANO

 WANANCHI WA KATA YA SAJA WAKIHOJI MASWALI MBALIMBALI KWA WAZIRI SIMBA HAPO JANA AKIWA KATIKA KATA HIYO

 WAZIRI WA MAENDELEO YA JAMII,WANAWAKE, JINSIA NA WATOTO

Wananchi wa kata ya Saja Wilayani Wanging'ombe mkoani Njombe wameiomba serikali

kuwasaidia kusogeza huduma mbalimbali za kijamii ikiwemo kituo cha polisi, huduma za

afya na maji ambapo pamoja na mambo mengine  pia wameomba serikali kusaidia kundi

la walemavu ambalo limedaiwa kuishi maisha ya shida huku likikosa kuthaminiwa pindi

linapokwenda kupatiwa huduma za matibabu.


Wakizungumza mbele ya Waziri wa maendeleo  ya jamii, wanawake,jinsia  na Watoto

bi.Sophia Simba wananchi wa kata wa kata hiyo wamesema kuwa kata hiyo imekuwa

ikikabiliwa na changamoto mbalimbali ikiwemo ukosefu wa maji, huduma za kiafya na

miundombinu mibovu  ambapo wameelezea umbali uliopo wa kusafiri kufuata huduma za

kiofisi hususani watumishi  wa serikali na kuomba kuendelea kupata huduma katika

halmashauri ya Makambako.

Katika hatua nyingine wananchi hao wamelalamikia kuwepo kwa migogoro ya mipaka kwa

muda mrefu mgogoro unaohusisha vijiji vya Itengero na Kipagamo huku wakiiomba

serikali kutatua mgogoro huo haraka ili kuepukana na madhara yanayoweza kusababishwa

na migogoro hiyo,michango  ya shule kushindwa kupatiwa ufafanuzi juu ya matumizi yake

pamoja na watoto kupatiwa adhabu kwa kushindwa kutoa michango.

Akijibu maswali ya wananchi wa kata ya Saja Waziri wa maendeleo ya jamii,wanawake,

jinsia na watoto Sophia Simba amesema kuwa kuhusu kundi la watu wenye ulemavu

halmashauri za wilaya zinatakiwa kuwahudumia kwa kuwatambua kupitia maafisa

maendeleo ya jamii huku akiwataka wananchi kutowaficha watoto wenye ulemavu pamoja

na kushiriki katika shughuli mbalimbali za ujenzi ikiwemo kituo cha polisi ili kurahisisha

huduma za kijamii.

Aidha bi Simba amewataka wananchi kuwa wavumilivu katika kipindi hiki ambacho

serikali inajipanga kusogeza huduma mbalimbali za kijamii katika Wilaya ya

Wanging'ombe  huku akiahidi kumuagiza  mkuu wa mkoa wa Njombe  wa Njombe Captain

 mstaafu Aseri Msangi kwenda kusikiliza mgogoro wa mipaka unaowakabili wakazi wa

eneo hilo.


Ziara ya Waziri Sophia Simba  pamoja na viongozi wengine wa mkoa na kitaifa leo

imeendelea katika maeneo mbalimbali mkoani Njombe  ambapo kesho itahitimishwa Kwa

viongozi wa umoja wa wanawake wa ccm  Mkoa na Taifa kutembelea Wilaya za Ludewa na

Makete kwa lengo la kukagua utekelezaji wa miradi mbalimbali ya maendeleo.