MKUU WA MKOA WA IRINGA AZUNGUMZA NA WANAHABARI KUHUSU KILELE CHA MBIO ZA MWENGE

KWA HISANI YA FRANCIS GODWIN-IRINGA

Mkuu  wa  mkoa  wa  Iringa  Dr Christine  Ishengoma  amewataka  wananchi mkoani  Iringa  kuendelea  kudumisha amani pamoja na kujitokeza  kwa  wingi katika maadhimisho ya  wiki ya  vijana ,kumbukumbu ya  kifo cha baba  wa Taifa  na kilele  cha mbio za mwenge wa Uhuru  kitaifa.

Mkuu  huyo  wa  mkoa  amesema  kuwa mwenge  wa Uhuru  unahimiza mambo mbali mbali  ikiwa ni pamoja na kudumisha amani  miongoni mwa  watanzania.

Akielezea  juu ya maadhimisho  hayo alisema  kuwa kwa upande wa maadhimisho ya  wiki ya vijana ,kuwa maadhimisho hayo yataanza leo na  siku ya tarehe 14 kutakuwa na ibada  ya kumwombea  baba  wa taifa na siku  hiyo  pia mwenge  utazimwa.

Hata  hivyo  alisema  kuwa maandalizi ya maadhimisho hayo yamekamilika  na  kuwa  shughuli mbali mbali  za vijana  kutoka mikoa mbali mbali Tanzania  wanashiriki katika maadhimisho hayo na  kuwa  vikundi  zaidi ya 100  vinaendelea  na kuonyesha  shughuli za kazi  zao.

Pia  alisema  mbali ya  vijana  hao kuonyesha kazi  zao  pia  watakuwa na midahalo yao katika ukumbi wa VETA  mdahalo utakaoanza  kesho jumatano .

Mkuu  huyo wa mkoa alisema  kuwa maadhimisho  hayo  yanatarajia  kuhudhuriwa na viongozi mbali mbali kutoka nchi mbali mbali.

Hivyo  kuwataka  wakazi  wa Iringa  kuonyesha  uzalendo zaidi kwa  wageni  watakaofika mkoani hapa .

Kuhusu  ulinzi na usalama alisema  kuwa serikali  imejipanga  vema katika  kuhakikisha amani inakuwepo na kuwa  kwa  sasa  vitendo  vyovyote za uvunjifu wa amani havitavumiliwa na  kuwa  atakayejihusisha na uvurugaji wa amani atawajibishwa.

Hivyo  kuwataka  wananchi  kutoa ushirikiano mkubwa kwa jeshi la  polisi kwa  kutoa taarifa  haraka  iwapo watakuwepo watu  wanaotaka  kuvuruga amani.


Napenda  kuwapongeza Manispaa ya Iringa  kwa  kufanya  vema katika  usafi  wa mazingira japo yapo maeneo ambayo bado ni machafu  hivyo  kila mwananchi  kufanya  usafi katika maeneo  yake.