MADIWANI WA HALMASHAURI YA MJI WA NJOMBE WAMEPITISHA RASIMU YA BAJETI YA MWAKA WA FEDHA WA 2017/2018 ZAIDI YA BILIONI 41

 

 MADIWANI WAKIJADILI RASMI HIYO ILIYOPITISHWA ZAIDI YA SHILINGI BILIONI 41

 KAIM MKURUGENZI WA HALMASHAURI YA MJI WA NJOMBE AKIZUNGUMZA

 MKUU WA WILAYA YA NJOMBE LUTH MSAFIRI AKIZUNGUMZA NA MADIWANI KWAAJILI YA KUCHANGIA HOJA

 DIWANI WA KATA YA RAMADHANI GEOGE MENSON SANGA AKICHANGIA HOJI ZA BAJETI HIYO

 HAWA NI MADIWANI WA HALMASHAURI YA MJI WA MJI WA NJOMBE WAKIWA KWENYE  KIKAO HICHO

 DIWANI WA KATA YA NJOMBE MJINI AGREY MTAMBO AKIZUNGUMZA KWENYE BARAZA HILO

NJOMBE

Halmashauri ya Mji wa Njombe  imepitisha   rasimu ya Bajeti ya mwaka wa fedha  wa 2017/2018  zaidi ya shilingi  bilioni 41 kutoka  vyanzo mbalimbali    ikiwa ni mapato ya ndani na Ruzuku toka serikali Kuu  ambapo mapato ya ndani ni zaidi ya shilingi bilioni 3,Ruzuku toka serikali kuu ni zaidi ya shilingi bilioni 33 na Fedha kutoka kwa Wahisani ni zaidi ya shilingi bilioni 5.

Akisoma taarifa ya mapendekezo ya rasimu ya Bajeti  hiyo Mchumi na Afisa Mipango wa  halmashauri hiyo Filbert Mbwiro amesema kwa mwaka wa fedha uliopita Halmashauri imefanikiwa kupokea na kukusanya zaidi ya shilingi Bilioni 11 sawa na asilimia 31.1 ya lengo la  zaidi ya shilingi   bilioni 35  kutoka Vyanzo mbalimbali vya mapato imetumia   zaidi ya shilingi Bilioni 8 sawa na asilimia 75.6 ya makusanya kwa  bajeti   iliyoidhinishwa .

Akizungumza wakati wa ufunguzi wa Mkutano Maalumu wa  Baraza  kuu la  madiwani  kwaajili ya Kujadili Rasimu ya Bajeti ya mwaka wa fedha wa 2017/2018 mwenyekiti wa halmashauri  Hiyo Edwin Mwanzinga amehimiza Madiwani kusimamia kikamilifu ukusanyaji wa mapato ili halmashauri hiyo iweze kujiendesha yenyewe kupitia mapato ya ndani.

Mwanzinga amesema kuwa mwaka wa fedha wa 2017/2018 bajeti ya Halmashauri ya mji Inapaswa kulenga  kukamilisha miradi  ambayo haijakamilika ili iweze kuanza kutoa huduma kwa jamii na thamani ya fedha kuonekana  na kusema kuwa miradi mingi ya Halmashauri inatekelezwa kupitia fedha za mapato ya ndani.


Baadhi ya Wajumbe wa mkutano huo wa baraza la madiwani   wamehoji upatikanaji wa fedha mbalimbali zinazotoka kwenye vyanzo  vya mapato  kama ziko sahihi ikiwemo  makusanyo yaliopo njiapanda ya magereza,Soko kuu la Njombe Mjini  na soko la Joshoni kutotumika kwa muda mrefu ikiwa limekwisha kamilika .


Mapato ya ndani hadi kufikia Mwezi Decemba 2016 halmashauri ya mji imekusanya Zaidi ya shilingi bilioni 1 sawa na asilimia 50 ya lengo la kukusanya zaidi ya shilingi bilioni 2  ambapo madiwani wanatakiwa kuwa  kitu kimoja katika kukusanya mapato kwaajili ya Halmashauri.