HALMASHAURI YA WILAYA YA NJOMBE YAZINDUA ZOEZI LA UPANDAJI MITI

 
 MKUU WA WILAYA YA NJOMBE LUTH MSAFIRI AKIPANDA MTI KUTEKELEZA ZOEZI LA UZINDUZI  KATIKA ENEO LA SHULE YA MSINGI NYOMBO KATA YA IKUNA

 MKUU WA WILAYA YA NJOMBE AKISAINI KITABU KABLA YA KUFANYA UZINDUZI WA ZOEZI LA UPANDAJI WA MITI

 WANAFUNZI NA WANANCHI WAKIWA KATIKA HARAKATI ZA UPANDAJI MITI

 MWENYEKITI WA HALMSHAURI YA WILAYA YA NJOMBE VALENTINO HONGORI AKIPANDA MTI

MKURUGENZI WA HALMASHAURI YA WILAYA YA NJOMBE MONICA PZ KWILUHYA NAE AKIWA KATIKA ZOEZI LA UPANDAJI WA MITI KWENYE UZINDUZI WA ZOEZI LA UPANDAJI MITI KIWILAYA

NJOMBE

Mkuu wa Wilaya ya Njombe  Bi.Luth Msafiri leo Amezindua Zoezi la Upandaji wa Miti katika Halmashauri ya Wilaya hiyo  ambapo jumla ya Miti  aina ya Mikaratus Elfu Moja Imepandwa  kwenye shamba la shule ya msingi Nyombo lenye  ukubwa  wa  ekari 2.24 .

Akizungumza na Wananchi wa Kijiji cha Nyombo Bi.Msafiri ametaka wananchi kuacha kupanda miti kwa mazoea badala yake wapande kwa lengo la Kibiashara na endelevu kwaajili ya kutunza mazingira  kwa kupanda  pia miti iliyo rafiki na vyanzo vya maji na kuinua uchumi wa  familia zao.

Aidha Bi. Msafiri ametaka  taasisi za serikali zinatakiwa kuotesha miche ya miti wenyewe na siyo  kununua kwa taasisi nyingine ili na wanafunzi wa eneo husika waweze kujifunza namna ya kuotesha  ambapo  pia amehimiza ufugaji wa nyuki  kuinua uchumi wa kila mmoja.

Awali akisoma Risala Fupi  ya Uzinduzi wa Upandaji Miti Kiwilaya Afisa maliasili Wilaya ya Njombe Libenanga Paul  amesema Halmashauri hiyo inatarajia kupanda miti zaidi ya milioni 14 ambayo imeoteshwa  na taasisi za serikali na za watu binafsi,vikundi na makampuni.

Kwa Upande wake wananchi waliohudhuria uzinduzi huo wameomba serikali kuwapunguzia  ushuru wa Mbao ambao umekuwa ukitozwa kwenye mageti huku swala la kuvuna Miti wakitaka Itafutwe  Mbinu nyingine ya kuwawezesha wakulima ili wasivune  kabla ya kukomaa kwa miti huku wakitaka wasipangiwe muda wa kuvuna kwa kuwa wakati wa kupanda wamepanda kwa hiari yao.

Kauli mbiu ya Maadhimisho hayo inasema  BIASHARA  YA MITI, PANDA MITI UONGEZE  KIPATO CHA FAMILIA NA HIFADHI MAZINGIRA.