HALMASHAURI YA MJI WA NJOMBE YAKABIDHI MIKOPO KWA VIKUNDI VYA VIJANA NA AKINA MAMA

 
 HII NI OFISI YA HALMASHAURI YA MJI WA NJOMBE AMBAYO IMEKABIDHI MILIONI MIA 106 ZA MIKOPO KWA VIKUNDI VYA VIJANA NA AKINA MAMA WAJASILIAMALI 51.
 
 MKURUGENZI WA HALMASHAURI YA MJI WA NJOMBE ILUNATA MWENDA AKITOA MANENO YA UTANGULIZI MBELE YA VIKUNDI HIVYO

 MWENYEKITI WA HALMASHAURI AKIKABIDHI HUNDI ZA MIKOPO KWA WANAVIKUNDI NA SACCOS

 WANAVIKUNDI WAKIPOKEA HUNDI ZA MIKOPO

 B. ALONE NA KIKUNDI CHAKE CHA CLUSC NUMBERED NAE AKIPOKEA HUNDI YA MKOPO 

 AFISA MAENDELEO YA JAMII BI.YOHANA KALINGA AKIWA KWENYE UKUMBI HUO ULIOTUMIKA KUWAKABIDHI MIKOPO VIJANA NA AKINA MAMA

 HAWA NI WANAVIKUNDI WALIOFIKA KATIKA HALMASHAURI HIYO KUPATIWA MIKOPO HIYO

NJOMBE

Halmashauri ya Mji wa Njombe  imekabidhi mkopo wa shilingi milioni mia moja na sita kwa vikundi  51 vya  wajasiliamali waliopo katika halmashauri  hiyo pamoja na Vyama vya  Ushirika  vya Akiba na Mikopo SACCOS  Zikiwemo Anglikana  na Luponde SACCOS.

Mkurugenzi wa  Halmashauri ya Mji wa Njombe Bi.Iluminata Mwenda akimkaribisha mwenyekiti wa Halmashauri  Edwin Mwanzinga kukabidhi Hundi  kwa vikundi mbalimbali pamoja  na Saccos nane zilizopo katika Halmashauri hiyo  na kusema fedha hizo zimetokana na marejesho ya fedha zilizokopeshwa kwa vikundi  pamoja na mapato ya ndani .

Bi.Mwenda amesema  vikundi na Saccos Hizo zitaendelea kunufaika na Mikopo kutoka  kwenye Halmashauri  hiyo   kulingana na Marejesho ya  fedha kutoka  kwenye Vikundi  kuwa mazuri ambapo fedha hizo zitawanufaisha hata wajasiliamali  wengine wa Njombe Mjini.

Akizungumza Mbele ya  Wanavikundi na Wawakilishi wa vyama vya Ushirika vya Akiba na Mikopo Saccos  Mwenyekiti  wa Halmashauri  Hiyo Edwin Mwanzinga akiwa Mgeni Rasmi  amewataka  wajasilimali kujitahidi kuwa waaminifu katika zoezi la kuzirejesha  fedha  hizo za mikopo ili kuendelea kuwanufaisha na wajasiliamali wengine na wao wenyewe.

Mwanzinga amesema  kwa kiwango kikubwa Vikundi vya Akina mama  vimeonesha  Uaminifu Mkubwa katika marejesho ya fedha za mikopo kutoka Halmashauri kuliko Vikundi vya Vijana  ambapo ameomba Wasimamizi wa Marejesho hayo kusimamia kikamilifu marejesho na Uaminifu katika Mikopo hiyo.

Kwa Upande wake baadhi ya wajasiliamali Wakizungumza na Uplands Fm wameshukuru kwa Mkopo huo uliotolewa na Halmashauri  na kuahidi kurejesha kwa wakati  huku wengine wakisema Watashirikiana na Saccos Kikamilifu kuhakikisha mikopo hiyo inawanufaisha  nakwamba watakwenda kuwaelimisha Vijana Wengine wajiunge na Vikundi hivyo au kuunda vikundi vingine wanufaike na mikopo hiyo.

Mikopo  hiyo imetolewa kwa vikundi vya kata 11  vilivyopo Katika Halmashauri hiyo hiyo ambapo mikopo kama hiyo inatarajia kutolewa tena mwezi april kwa wajasiliamali hao.
.............................................................................................