BODABODA NJOMBE WAPINGA KODI YA MAEGESHO ,WAKUBALI KULIPA YA SUMATRA

 MAAMNDAMANO YA KUSHINIKIZA PIKIPIKI ZILIZOKAMATWA ZIACHIWE NA HAPA WANAELEKEA OFISI ZA UJENZI ZILIKOHIFADHIWA PIKIPIKI AMBAZO ZIMEKAMATWA KWA KUTOLIPA KODI YA SUMATRA.

 MADEREVA WANAJADILIANA WAKATI WAKIWASUBILI VIONGOZI WAO WAFIKE ENEO LA TUKIO

 KAIMU AFISA SUMATRA  MKOA WA NJOMBE DENIES MAGHEMBE AKIZUNGUMZA NA WAANDISHI WA HABARI OFISINI KWAKE

NJOMBE

Wamiliki Na Madereva Wa Pikipiki Maarufu Kama Bodaboda  Leo Wamefanya  Mgomo Wa Takribani Saa Tatu Kushinikiza Viongozi Wa Sumatra Kuziachia  Pikipiki Tatu Zilizokamatwa Kutokana na Kushindwa Kulipia Kodi Ya Sumatra Shilingi Elfu 22.

Wakizungumza  Wakiwa Kwenye Mgomo  Huo  Baadhi Ya Madereva  Wa Bodaboda  Wamesema Kuwa Wanashindwa Kuelewa Serikali Kuwataka Kulipa Kodi Ya Sumatra  Ambayo  Shilingi Elfu Kumi Inakwenda Halmashauri Na Shilingi Elfu Kumi Na Mbili Inakwenda   Makao Makuu Ya Sumatra Huku Halmashauri Ikitoza Kodi Nyingine Shilingi Elfu Kumi Ya Maegesho.

Madereva Hao Wametaka Kupatiwa Ufafanuzi Kuhusiana Na Kodi Ya Maegesho Inayotozwa Na Halmashauri Ya Mji Wa Njombe  Ikiwa Halmashauri Hiyo Inachukua  Asilimia Ya Fedha Inayotoka Kwenye Kodi Ya Sumatra  Elfu 22  Ambayo Madereva Wote Wanaridhia Kuilipa Kwa Hiari Yao.


Wakitoa  Ufafanuzi Kwa Madereva  Wenzao Viongozi Wa Bodaboda Wilaya Ya Njombe  Akiwemo Katibu  Wao Fred  Ndelwa Na Julius  Chatanda  Wamewaomba Madereva Hao Kutulia Na Kulipa Kodi Ya Sumatra Wakati Swala La Kodi Ya Maegesho Likijadiliwa Mezani Na Viongozi Wa Sumatra Na Halmashauri Jambo Ambalo Limepingwa Vikali Na Madereva Hao.

Akizungumza  Kaimu Afisa Sumatra Mkoa Wa  Njombe Denis Maghembe   Amesema Kuwa Kodi Ya Sumatra Ipo Kisheria Na Hivyo Wamiliki Wa Vyombo Vya Moto Wanatakiwa Kulipia Kwa Mujibu Wa Sheria  Huku Akisema Swala La Kodi Nyingine Inayolalamikiwa Ya Maegesho Atakwenda Kufanya Mazungumzo Na Watalaamu Wa Halmashauri Kuona Namna Ya Kuiondoa .

Bwana Maghembe  Amesema Zoezi La Operation Ya Kukamata Pikipiki Ambazo Hazijalipia Kodi Ya Sumatra Limesimamishwa Kwa  Muda Hadi Wafikie Mwafaka  Baada Ya Majadiliano Na Viongozi Wa Pande Zote Zinazohusika Na Ukusanyaji Wa Kodi  Na Vyombo Vya Ulinzi Na Usalama Ili Kuona Wanavyoweza Kupunguza Baadhi Ya Kodi.