WACHEZAJI 20 WAKAZI WA NYOMBO WILAYANI NJOMBE WAJERUHIWA VIBAYA

NJOMBE

Wachezaji wa mpira wa migu 20 wa kutoka kijiji cha Nyombo kata ya Ikuna  Wilayani Njombe hapo jana wamenusurika kupoteza uhai baada ya gari walilokuwa wamepanda kuacha njia na kuanguka katika eneo la zahanati ya kijiji cha Ikuna.

Wakizungumza na Uplands fm wachezaji hao ambao kwa sasa ni majeruhi wakiwa wamelazwa katika hospitali ya Kibena kwaajili ya matibabu wamesema walikuwa wakitokea kijiji cha Nyombo kuelekea maduma kwaajili ya kuchezo wa kirafiki na timu ya maduma.

Wamesema chanzo cha ajali hiyo ni mwendo kasi wa gari walilokuwa wamepanda aina ya canter  ambapo baada ya ajali hiyo dereva wake alitokomea kusiko julikana kutokana na ajali hiyo iliyosababisha wengine kukatwa vidole vya mikononi na wengine kuumia vibaya sehemu mbalimbali za miili yao.

Akizungumza na Uplands fm Mganga Mfawidhi wa Hospitali ya Kibena Cerina Nyoni   Amethibitisha kupokea majeruhi 20  waliopata ajali kutoka kijiji cha Ikuna na kwamba hali zao zinaendelea vizuri baada ya kupatiwa huduma za matibabu  hospitalini hapo.

Dk .Nyoni amesema wamepokea majeruhi hao majira ya saa kumi na moja na nusu jioni  ambapo majeruhi  wawili wamewakata vidole ,majeruhi wa tatu wamevujika viungo vyao na  majeruhi wanne wameumia kichwani huku majeruhi wengine wakiumia kawaida.