MWANAFUNZI WA DARASA LA KWANZA KATIKA SHULE YA MSINGI NAZARETH AFARIKI KWA AJALI ASUBUHI YA LEO HUKU MWINGINE AKIPELEKWA HOSPITALI YA KIBENA NJOMBE KWA MATIBABU

NJOMBE

Mwanafunzi  wa darasa la kwanza katika shule ya msingi Nazareth  Elias Mdendemi amefariki dunia asubuhi ya leo huku majeruhi mmoja Tino Makweta wote wakazi wa mjimwema akipelekwa  hospitali ya kibena kwaajili ya matibabu  baada ya kugongwa na gari  lenye namba za usajili  T 726 CJM .

Wakizungumza wakiwa  eneo la tukio baadhi ya Mashuhuda wamesema gari hilo lilikuwa likitokea barabara ya Songea Njombe ambapo majira ya saa moja asubuhi tukio hilo liliweza kutokea  na kusababisha mmoja kufariki na mwingine kujeruhiwa walipokuwa wakitaka kuvuka barabara hiyo.

Kwa upande wao  mashuhuda wa ajali hiyo   wameomba serikali kuwawekea matuta na kutaka maafisa usalaama wa barabarani kuwepo eneo hilo  ili kuimarisha usalama wa  watembea kwa miguu wanaoelekea Nazareth .

Akizungumza na uplands fm   mwenyekiti wa serikali ya mtaa wa Mjimwema Andrea Mligo  amewaomba watumiaji wa vyombo vya moto kuwajali watembea kwa miguu hususani watoto huku wazazi na walezi nao wakitakiwa kuwasindikiza hadi shuleni watoto wao ili kuwapatia usalama zaidi wakiwa barabarani.

Kaimu mganga mkuu wa halmashauri ya  mji wa Njombe Dkt Allen Oden Kitalu amethibitisha kupokea majeruhi mmoja na mwili mmoja wa mwanafunzi aliyegongwa eneo la Nazareth na kupoteza uhai wake na kusema kuwa majeruhi bado anaendelea na matibabu na hali yake inaendelea vizuri.