MKUU WA WILAYA YA NJOMBE LUTH MSAFIRI AWATEMBELEA WANUFAIKA WA TASAF

 KAIMU MKURUGENZI WA HALMASHAURI YA WILAYA ABRAHAMU KAAYA AKIWA NA MKUU WA WILAYA  YA NJOMBE LUTH MSAFIRI ALIPOWATEMBELEA WANUFAIKA WA TASAF
 HAWA NI WANUFAIKA WA MPANGO WA KUNUSURU KAYA MASIKINI KATA YA KICHIWA NA ,MTWANGO

HAPA MKUU WA WILAYA AKIWA KIJIJI CHA ITUNDUMA KATA YA MTWANGO

 MKUU WA WILAYA YA NJOMBE LUTH MSAFIRI AKIZUNGUMZA NA WANUFAIKA WA TASAF KIJIJI CHA ITUNDUMA

 MKUU WA WILAYA ANASALIMIANA NA WAZEE KICHIWA

 MKUU HUYO WA WILAYA ANAGAWAI MAANDAZI NA BAGIA KWA WATOTO AMBAO WAZAZI WAO WALIFIKA KUCHUKUA VYETI VYA KUZALIWA ZAHANATI YA ITUNDUMA

 MRATIBU WA TASAF WILAYA YA NJOMBE CASSIAN NKUNGA AKIMKARIBISHA MKURUGENZI ILI AMKARIBISHE MKUU WA WILAYA KUZUNGUMZA NA WANUFAIKA WA KIJIJI CHA KICHIWA

NJOMBE

Wanufaika wa mpango wa kunusuru kaya masikini Tasaf Wilayani Njombe wametakiwa kuanzisha miradi ya ufugaji, na kilimo kupitia pesa wanazopewa ili mpango huo utakapokwisha wawe na maendeleo kiuchumi.

Rai hiyo imetolewa na Mkuu wa Wilaya ya Njombe Luth Msafiri wakati akiongea na wanufaika wa mpango wa kunusuru kaya masikini Tasaf wa vijiji vya kata ya Kichiwa ambapo amesema mpango huo ni wa miaka mitatu hivyo wanufaka watumiye fursa hiyo kuibua miradi hiyo.

Bi. Msafiri amesema  kutokana na wanufaika kupewa pesa hizo watendaji wa vijiji na watalaamu wa mifugo wanatakiwa kuwatembelea wanufaika hao ili kusaidia kutoa ushauri na kutibu mifugo iliyoanzishwa kupitia fedha hizo kwaajili ya kuepusha hasara za kufa kwa mifugo huku akitaka fedha hizo zisitumike kununulia pombe .

Awali akimkaribisha Mkuu wa Wilaya Mratibu wa tasaf  wa halmashauri ya Wilaya ya Njombe Cassian Nkunga  amesema fedha zinazotolewa na tasaf zimeanza kuonesha matunda kwa baadhi ya wanufaika kwani wengine wameanzisha ufugaji kuku huku na Nguruwe.

Kwa upande wao wanufaika wa fedha za tasaf Wakizungumza mbele ya mkuu wa wilaya huyo wameshukuru kwa hatua ya serikali  kuwakumbuka na kutoa shuhuda mbalimbali kwamba wengine wamenunua kuku na nguruwe,wengine wakitumia kuwanunulia sare za shule watoto  na shughuli za kilimo na matibabu.

……………………………………………………………………………………………………………………