SERIKALI YA AWAMU YA TANO IMEOMBWA KUWAKUMBUKA WAZEE KATIKA HUDUMA ZA KIJAMII IKIWEMO SUALA LA PENSHENI.

 MKURUGENZI WA SHIRIKA LA PADI  ISKAKA MSIGWA AKIZUNGUMZA NA WAANDISHI WA HABARI WA MIKOA YA  NJOMBE NA RUVUMA JUU YA KUHAMASISHA SUALA LA PENSHENI KWA  WAZEE

 PICHA YA PAMOJA  YA WAANDISHI NA BAADHI YA WAZEE WAKIWA NJE YA OFISI YA SHIRIKA LA PADI TANZANIA

Serikali  Ya Awamu Ya Tano Imeombwa Kutilia Mkazo Zoezi La Kuwapatia Pensheni Wazee Mbalimbali Nchini Tanzania  Pamoja Na Kupewa  Mahitaji Muhimu  Ili Kuondoa Umasikini Unaowakuta Baadhi Ya Wazee  Ambapo Imedaiwa Pensheni Ikitolewa   Kwa Makundi Hayo Uchumi  Utaongezeka  Miongoni Mwa Jamii.

Akizungumza  Kwenye Semina Ya Siku Moja Mkurugenzi Wa Shirika La PADI Tanzania Iskaka Msigwa  Amesema  Endapo Serikali Itayakumbuka Makundi Ya Wazee Kwa Kuwalipa Pensheni  Uharifu Utapungua Kutokana Na Makundi Hayo Kuwa Na Jukumu Kubwa La Kulea  Watoto Na Kuendeleza Miradi Yao  Na Kujipatia Kipato.

Aidha Msigwa  Amesema Kuna Umuhimu  Kutolewa Pensheni Kwa Wazee   Nchini  Ili Nao Waweze   Kusomesha Watoto, Kupata Huduma Za Matibabu Bure ,Pembejeo Za Ruzuku  Na Mahitaji Mengine Muhimu Ambayo Yatawasaidia Kujikwamua Na Hali Ngumu Ya Umasikini  Nakwamba Kutolewa Kwa Pensheni Itapunguza Wimbi La Uharifu Pamoja Na Kukuza   Uchumi Wa Nchi.

Amesema  Wazee Wanatakiwa Kujiunga Vikundi Na Kuunda Mabaraza Yao Ambayo Yatawasaidia Kupata Mikopo Kutoka Serikalini  Kwaajili Ya Kuwawezesha Waishi Maisha Mazuri Bila Kujali Alikuwa Mtumishi Ama Ni Mkulima.

Kwa Upande Wake  Wazee Walioshiriki Semina Ya Siku Mmoja Mjini Songea Katika Mtaa Unangwa  Wameshukuru Shirika La PADI Kwa Kuanzisha  Elimu Ya Wazee Juu Ya Kudai Haki Zao  Hususani Za Matibabu Bure  Ambapo  Wazee Wa Mikoa Ya Ruvuma Na Njombe Wamejipanga  Kufikisha Ujumbe Wa Kupatiwa Pensheni Siku Ya Kilele Cha Uhuru  Na Maadhimisho Mengine Kwa Lengo La Kuifikishia Serikali Ujumbe Huo.