BEND YA NJOMBE STARS YAENDELEA KUTUMBWIZA KATIKA KUMBU MBALIMBALI ZA STAREHE NA MATAMASHA NJOMBE.

Batuel Ngoro aliyevaa tisheti ya njano akiwa na mwenzake kwenye mic katika ukumbi wa Ova Cado Chaugingi mjini Njombe
.
Bendi ya Njombe stars wana wa Musumali mkoani Njombe imeanza kuwakaribisha mashabiki wa muziki wa dansi kwa kufanya maonesha katika kumbi mbalimbali za starehe na burudani tangu Decemba 29,2012.

Meneja wa bendi hiyo bwana Joshuwa Kibang'u amesema bendi hiyo ilianza  mwakajana kwa kufanya maonesho na kuchalaza muziki katika ukumbi wa polisi jamii Njombe kama ni moja ya kuwaburudisha mashabiki na kuwakutanisha wananchi kuweza kuzoeana na polisi katika kuimarisha ulinzi shirikishi.



Njombe stars wanamusumari wakiwa kazini  usiku na mpiga drums Erasto Chalamiula wakiwaburudisha wapenzi wa muziki huo.
Bendi hii inayomilikiwa na James Swale ambae ni mkurugenzi wa Radio Uplands fm imedhamilia kuwaburudisha wakazi wa mkoa wa Njombe na mikoa mingine jirani lengo kuu likiwa ni kutoa ajira kwa vijana na kuinua vipaji mbalimbali vya sanaa ikiwemo uimbaji wa nyimbo za makabila,Injili na sanaa nyingine nyingi.

Leo juma mosi bendi hii inafanya maonesho yake katika ukumbi wa Over Cado ulioko eneo la Chaugingi mjini Njombe ikiwa tayari imekwisha fanya maonesho hayo katika kumbi mbalimbali ikiwemo ukumbi wa Tale,Dosmeza,CBM mkoani hapa.