WANANCHI WA KIJIJI CHA LWANGU NA NGARANGA WALIA NA BARABARA

  MILIONI TISINI ZINADAIWA TAYARI ZIMEKWISHA TOLEWA KWAAJILI YA UTENGENEZAJI WA BARABARA HII HATA MAGARI YANASHINDWA KUPISHANA

 HII NI BARABARA YA KUTOKEA LWANGU KWENDA KATA YA IWUNGIRO MJINI NJOMBE

 MAKARAVATI YAMEWEKWA  KWAAJILI YA KUPITISHA MAJI LAKINI MITARO HAIJATENGENEZWA MAJI YANAKOSA KWA KUPITA TAZAMA KAMA HAPA

NJOMBE

Wananchi Wa  Vijiji Vya Lwangu Na Iwungilo  Wilayani  Njombe Wamelalamikia Kuwepo Kwa Tatizo La Uharibifu Wa Barabara  Ambayo Imedaiwa Kutengenezwa Chini Ya Kiwango  Kutokana Na Kutotimia Kwa Mita Saba Zinazoweza Kusaidia Magari Kupishana Kwa Uhuru.

Wakizungumza Wakiwa  Kwenye Barabara   Hiyo  Wananchi Wa Vijiji Hivyo Wamesema     Barabara  Hiyo  Imetengenezwa Chini Ya Kiwango Kutokana Na   Kutengenezwa  Bila Kuzingatia Viwango Vinavyotakiwa   Kwa Kuwangalia Upana,Uwekaji Makaravati Na Kutowekwa Mitaro Ya Maji.

Wamesema Kuwa   Wamekuwa Wakikabiliwa Na  Changamoto Ya Kushindwa Kusafirisha Mazao Yao Ya Viazi Na Mbao  Ambapo Wameomba  Serikali Kutengeneza Kwa Kiwango Kinachostahili   Ili Isiharibike Kwa Muda Mfupi Kama Ambavvyo  Imetengenezwa Kwa Sasa Huku Wakikanusha Hoja Ya Kwamba Wananchi Hawataki Kuondoa Miti Iliyopo Kando Ya Barabara  Kwani  Wako Tayari Kuiondoa .

Mwenyekiti Wa Serikali Ya Utengula   Amesema Kuwa Wamekuwa Wakifuatilia  Utengenezaji Wa Barabara Hiyo Kwa Mkandarasi  Aliyepewa Kazi Hiyo Ambapo Mkandarasi Amewaambia Anatengeneza Kutoka Na Aliyemuajiri  Anavyotaka  Na Kusema Kuwa Kwa Sasa Barabara Hiyo Haifai Kwa Matumizi.

Diwani  Wa Kata Ya Iwungiro  Regnad Danda Amekili Kutengenezwa  Chini Ya Kiwango Kwa Barabara Hiyo Na Kusema Kuwa  Haijafikia  Upana Wa Mita Saba Zinazotakiwa Kwenye Utengenezaji Wa Barabara  Ambapo  Tatizo Hilo Amekwisha Lifikisha Halmashauri Kwaajili Ya Kuboresha Zaidi Huku Akisema Usimamizi Wa Kitaalamu Kutoka Halmashauri Ukiwa Mdogo.

Naye  Mkandarasi   Anayejenga Barabara Hiyo   Wa Kutokea Kampuni Ya SJM Construction co,LTD Kutoka Mafinga Wilayani Mufindi Bwana  Samwel  Masasi  Amesema Barabara Hiyo Bado Hajaikabidhi  Kwa Halmashauri Ambapo Anatarajia Kuendelea  Kuikamilisha Baada Ya Wiki Mbili  Kwa Kupanua Zaidi Ili Iwe Na Kiwango Kinachostahili Huku Akisema  Matengenezo Yamefanyika Kwa Hela Aliyopewa.

Kwa Mujibu Wa Mkandarasi Huyo Barabara Hiyo Imedaiwa Inatengenezwa Kwa Gharama Ya Shilingi Milioni Mia  234  Ambapo Hdi Sasa Shilingi Milioni Tisini Zimekwisha Tolewa  Na Halmashauri Ya Mji Wa Njombe  Kwaajili Ya Matengenezo Yaliyofanyika   Huku Akisema Alisimamisha Kazi Hiyo Kutokana Na Mvua  Kuanza Kunyesha.