KIKOSI KAZI CHA KUSHUGHULIKIA UTUNZAJI WA MAZINGIRA SASA WILAYA YA MAKETE

 KIKOSI KAZI KILICHOUNDWA NA MAKAMU WA RAIS SAMIA SULUHU KWAAJILI YA KUSHUGHULIKIA  UTUNZAJI WA MAZINGIRA NA VYANZO VYA MAJI VINAVYOTIRIRISHA MAJI YAKE KUELEKEA MTO RUAHA MKUU

 MKUU WA WILAYA YA WANGING'OMBE MOHAMED ALLY KASINGE AKIZUNGUMZA MBELE YA KIKOSI KAZI HICHO  AKIWA KATIKA UKUMBI WA WILAYA YA WANGING'OBE

 MWENYEKITI WA KIKOSI KAZI KILICHOUNDWA NA MAKAMU WA RAIS SAMIA SULUHU AMBAYE PIA NI KATIBU TAWA MKOA WA NJOMBE JACKSON SAITABAHU AKITOA MAELEKEZO

 Diwani Wa Kata Ya Ulembwe Agnetha Mpangile akichangia Hoja

 Katibu Tawala Wilaya Ya Wanging'ombe

 mkurugenzi wa Wilaya Ya Wanging'ombe Amina Kiwanuka Akizungumza Mbele Ya Kikosi Kazi Hicho Cha Mazingira

WANGING'OMBE

Kikosi Kazi Kilichoundwa Na Makamu Wa Rais Samia Suluhu Kwaajili Ya Kusimamia Utunzaji  Wa Mazingira  Na Vyanzo Vya Maji Kimehimiza Wananchi Na Viongozi Kushikamana Kutunza Mazingira Kwa Kupanda Miti Ambayo Ni Rafiki Na Vyanzo Vya Maji Kwa Faida Ya Sasa Na  Baadaye.

Hayo Yamesemwa Na Mwenyekiti Wa Kikosi Kazi  Cha Utunzaji Mazingira Na Vyanzo Vya Maji  Mkoa Wa Njombe Na Mbeya Ambaye Ni Katibu Tawala Mkoa Wa Njombe Jackson Saitabahu  Wakati Wa Majumuisho Ya Ziara Yake Ya Siku Mbili Ya Kutembelea Vyanzo Vya Maji Vinavyotiririsha Maji Kuelekea Mto Wa Ruaha Mkuu.

Saitabahu  Amesema Kuwa Swala La Vinyungu Linatakiwa Kutiliwa Mkazo Kwa Kutoruhusu Wakulima Kurudi Mabondeni Kuendelea Na Kilimo  Hicho Kwenye Vyanzo Vya Maji  Na Kusema Kuwa Elimu Inatakiwa Kutolewa Kwa Wingi Juu Ya Sheria Za Utunzaji Wa Mazingira Na Vyanzo Vya Maji.

Kwa Upande Wake Mkuu Wa Wilaya Ya Wanging'ombe Mohamed Ally Kasinge  Ameahidi Kuunda Kikosi Kazi Cha Kushughulikia Utunzaji Wa Mazingira Ambayo Mwenyekiti Wake Atakuwa  Yeye  Mwenyewe  Huku Akisema Yale Maagizo Yanayohitaji Kufanyiwa Kazi Ndani Ya Muda Mfupi Yanatakiwa Kushughulikia Haraka Ikiwemo Kuondoa Miti Isiyo Rafiki Na Vyanzo Vya Maji.

Wenyeviti Wa Serikali Za Vijiji Vya Nyumbanitu,Mlevela Na Igima Wameshukuru Kwa Kutembelewa Na Kikosi Kazi Hicho Na Kusema Kuwa Wananchi Na Halmashauri Za Vijiji Bado Zinaendelea Na Juhudi Za Kutoa Elimu Ya Mazingira Kwa Wananchi Wote Ambapo Tayari  Baadhi Ya Wananchi  Wameanza Kuwa Uelewa  Juu Ya Utunzaji Mazingira Na Kuanza Kupanda Miti Rafiki Na Vyanzo Vya Maji.

Timu Ya Kikosi Kazi Kilichoundwa Na Makamu Wa Rais Kushughulikia Mazingira  Kimefanikiwa Kutembelea Vyanzo Vya  Viwili  Vya  Maji Mbukwa Na Mto Mtitafu Ambayo Inatiririsha Maji Kuelekea Mto Wa Ruaha Mkuu  Na Kufanikiwa Kuzungumza Na Viongozi Mbalimbali Wa Vyama Na  Serikali .