DKT MWAKYEMBE APONGEZA NA KUTOA TUZO KWA MIKOA YA NJOMBE NA IRINGA

DKT MWAKYEMBE AKIZUNGUMZA NA WAKUU WA MIKOA,WAKUU WA WILAYA NA WAKURUGENZI NA MAKATIBU TAWALA WA MIKOA NA WILAYA ZA MKOA WA NJOMBE NA IRINGA

WAZIRI WA KATIBA NA SHERIA HARISON MWAKYEMBE AKIZUNGUMZA WAKATI WA KUKABIDHI TUZO NA CHETI KWA MIKOA YA NJOMBE NA IRINGA AKIWA CHUO CHA MAENDELEO CHA NJOMBE MJINI.

MKUU WA WILAYA YA NJOMBE LUTH MSAFIRI AKIZUNGUMZA NA KUTOA SALAAMU

MKURUGENZI WA WILAYA YA WANGING'OMBE AMINA KIWANUKA BAADA YA  KUPOKEA TUZO

MKUU WA MKOA WA NJOMBE CHRISTOPHA OLE SENDEKA AKIPOKEA TUZO NA HATI YA KUONGOZA KATIKA ZOEZI LA UANDIKISHAJI NA UTOAJI VYETI KWA WATOTO CHINI YA UMRI WA MIAKA MITANO

WAKUU WA WILAYA WAKIWA NA MKUU WA MKOA WA NJOMBE PAMOJA NA KATIBU TAWALA MKOA KATIKA PICHA YA PAMOJA BAADA YA KUPOKEA TUZO YA MKOA

PICHA YA PAMOJA NA WASHIRIKI WALIOPOKEA TUZO HIYO WAKIWA NA MGENI RASMI WAZIRI WA KATIBA NA SHERIA DKT MWAKYEMBE

MKUU WA MKOA WA NJOMBE CHRISTOPHA OLE SENDEKA AKIWA NA WAZIRI WA KATIBA NA SHERIA DKT HARISON MWAKYEMBE PAMOJA NA KATIBU TAWALA MKOA WA NJOMBE JACKSON SAITABAHU

NJOMBE-Na Michael Ngilangwa Njombe-0757092504/06783217 72

Waziri wa Mambo ya Katiba na Sheria Dkt Harison Mwakyembe   amekabidhi Vyeti na Tuzo kwa Halmashauri  na mikoa ya Njombe na Iringa ambayo imepata asilimia 98 ya kuongoza katika zoezi la usajili na utoaji wa vyeti vya  watoto wenye umri chini ya miaka mitano  bila malipo kwa nchi nzima ulioendeshwa chini ya  Wakala  wa Usajiri, Ufilisi na Udhamini RITA.

Waziri Mwakyembe amekabidhi Tuzo  Hizo kwa Halmashauri za Mkoa wa Njombe Na Iringa  baada ya kuongoza katika zoezi hilo la usajili wa vyeti vya kuzaliwa  na kupongeza kwa hamasa  iliyofanyika kwa mikoa hiyo ambayo miaka michache iliyopita   maendeleo  ya Usajili yalikuwa duni ambapo  Njombe ilikuwa asilimia nane  na sasa  imefikia asilimia 98.

Waziri Mwakyembe amesema Mikoa ya Njombe Na Iringa imechangia kuijengea misingi imara ya maendeleo  ya Nchi  na kusema kuwa nchi yoyote ili ifanikiwe lazima iwe na takwimu sahahi za wakazi wake  na kupanga mipango  mbalimbali ya maendeleo ya kuanzisha Viwanda katika kuelekea Uchumi wa Kati wa Nchi ya Tanzania.

" Ili kutambua  kazi kubwa mlioifanya ni vema tukakumbusha tulikotokea tulianza zoezi hili maalumu la uandikishaji  watoto chini ya umri wa miaka mitano na kwamba vyeti bila malipo yoyote mwaka  2013 siyo kwamba tumeanza usajili mwaka 2013 tumeanza toka  Uhuru ila tuliona kuna mkwamo  mkubwa tukaona tuanzishe programu maalumu  kuhakikisha na sisi tunaingia katika record kama wenzetu walioendelea kwa hiyo tukaanza hili zoezi Mkoani Mbeya  ambako usajili ulikuwa asilimia 8.9 tu "  Alisema Waziri huyo.

Waziri Mwakyembe amesema kufika mwaka 2015 Mkoa wa Mbeya ulikuwa umejikokota hadi kufikia asilimia 56 kwa kipindi cha miaka 3 Mkoa wa Songwe ulikuwa asilimia  8.9 kama Mbeya  lakini mwaka jana walifikia asilimia 49  na programu ikahamia Mwanza ambapo Mwanza  wao usajili ulikuwa kama asilimia 12. 1 mwaka jana wamefikisha asilimia 46 wakaamua kubadilisha Muundo wakahamia Mkoa wa Iringa na Njombe Ambako Kulikuwa na Asilimia 11.7 lakini kilichowashangaza  ni kuona mikoa hiyo imefanya vizuri zaidi.

" Tulishangaa ,tulifrahi tukahamasika kwamba Mkoa wa Iringa  ukatoka kwenye  asilimia 11.7 hadi asilimia 95 ni mafanikio makubwa haijawahi kutokea na leo wanaongelea asilimia   100 ndani ya miezi mnne  na kuvunja Record ya Dunia Na Njombe Ilikuwa asilimia 8.5  nayo ndani ya miezi mitatu  na kufikia asilimia 98 kwa hiyo nawapa pongezi sana sana wana Njombe Na Iringa hadi Muwakilishi wa Unisef amesema mmevunja Record ya Dunia " Aliongeza Waziri Huyo.

Amesema  Mikoa mingine ya Tanzania inapaswa kutembelea mikoa ya Njombe na Iringa Ili Kujifunza namna ilivyofanikiwa  katika kutekeleza zoezi la kuhamasisha wananchi  kupeleka watoto wao kuwasajili  na kusema jitihada hizo ziendelee kufanyika hata kwa mikoa mingine kufikia asilimia walizopata  mikoa ya Njombe na Iringa.

Akisoma taarifa Fupi mbele ya Mgeni rasmi Waziri wa Mambo ya Katiba na Sheria Harison Mwakyembe ,Kaimu Mtendaji Mkuu wa  Wakala wa  usajiri,Ufilisi  na Udhamini RITA Bi. Emmy Hudson  amesema Mkoa wa Njombe Na Iringa imeweza kuvuka malengo ya kusajili na kuwapa vyeti vya kuzaliwa  watoto wenye umri chini ya miaka mitano  mbapo RITA Imeamua kupongeza mikoa iliyofanya vizuri Ili kuwa mfano kwa Mikoa mingine.

Kwa Upande wake Wakuu wa Mikoa ya Njombe Na Iringa  Christopha Ole Sendeka na Amina Masenza  Wameshukuru kwa kupewa zawadi hizo na kusema mpango wa kusajili watoto ulianza mwezi Decemba  22 ,2016   zikitolewa kwenye ofisi za watendaji wa kata na vituo vya tiba za mama  na mtoto  nakwamba  usajili huo sasa utakuwa ni agenda ya kudumu huku  wakilishukuru shirika la Unisef kwa kuwa mdau katika zoezi hilo.



..............................................................................................................