WAZAZI WADAIWA KUMKATAA MTOTO WAO MWENYE ULEMAVU WA MIGUU NA MIKONO MTWANGO WILAYANI NJOMBE

 HUYU NDIYE MTOTO MWENYE ULEMAVU MICDADI FRED KADUMA AMBAYE AMEDAIWA KUNYANYASIKA NA KUKATALIWA NA WAZAZI WAKE IKIWA MAMA YAKE MZAZI ALIKWISHA FARIKI MUDA MREFU.

 HUYU NI MAMA YAKE WA KAMBO NA MTOTO MWENYE ULEMAVU MICDADI FRED KADUMA AKIWA NYUMBANI KWAKE

 MWENYE SWETA NYEKUNDU NI FRED KADUMA BABA WA MICDADI FRED KADUMA AKIWA NYUMBANI KWAKE

 MAMA WA KAMBO EDNA NYAGAWA AMBAYE NAYE AMESEMA AMECHOKA KUISHI NA MTOTO HUYO MWENYE ULEMAVU NA KWAMBA KWA KUWA SIYO MTOTO WAKE

 MWENYEKITI WA KIJIJI CHA LUNGUYA VALENTINO MWELANGE AKIWA OFISINI KWAKE AKIZUNGUMZA NA WAANDISHI WA HABARI

 HUYU NI FRED KADUMA AMBAYE NI BABA MZAZI WA MICDADI FRED KADUMA MLEMAVU NA MKAZI WA KIJIJI CHA LUNGUYA.

Halmashauri ya Wilaya ya Njombe imeagiza kuwachukulia hatua za kisheria wazazi wa Micdad Fred Kaduma ambaye ni mlemavu  mkazi wa kijiji cha Lunguya kata ya Mtwango kutokana na wazazi hao kumfukuza kwa madai wamechoka kumlea.


Kauli hiyo Imetolewa na Kaimu afisa Ustawi wa jamii wa Halmashauri ya Wilaya ya Njombe bi. Sarah Chambachamba baada ya wananchi wa kijiji cha Lunguya kulalamikia wazazi wa mlemavu huyo  Fred Kaduma na Edna Nyagawa kumtumikisha kazi ngumu ikiwemo kuokota kuni polini ikiwa anaulemavu wa miguu na mikono.


Aidha bi.Chambachamba amesema kwa mujibu wa sheria ya walemavu ya  mwaka 2010 inayosema jamii inawajibu mkubwa wa kutoa ulinzi kwa watoto wenye ulemavu walio katika maeneo yao na kutoa taarifa kwa viongozi wa serikali pindi Unyanyasaji,unyanyapa na
matendo mengine yanayokiuka haki za binadamu.

Bi.Chambachamba  amesema kutokana na mlemavu huyo kunyanyaswa na kukataliwa na wazazi wake akiwemo baba yake mzazi bwana Fred Kaduma, Wazazi upande wa marehemu mama yake na Micdad Fred Kaduma wameamua kumchukua na Kumlea Mlemavu huyo wakati serikali ikiendelea kuchukua hatua kali dhidi ya wazazi hao.

Wakizungumza  majirani wa wazazi wa mtoto huyo wameelezea kusikitishwa na tabia ya wazazi hao ya kumnyanyasa kwa kumuadhibu na viboko hadi kumsababishia majeraha Ambapo matendo hayo yameanza kujitokeza  baada ya  kujenga nyumba mpya makambako  na kutaka kuuza wanayoishi ambayo ilijengwa na marehemu mama wa mlemavu huyo.

Kwa upande wa  wazazi wa  mtoto mwenye ulemavu Ambao ni  Fred Kaduma na Mke wake Edna Nyagawa wamesema kutokana na maneno  yanayotolewa na majirani juu ya mtoto Micdad Fred Kaduma wamechoka  kuishi naye kwa madai ameanza tabia za   wizi na kujisaidia ovyo ndani ya nyumba Ambapo tabia hizo zimeanza
siku za hivi karibuni baada ya mlemavu huyo kusikiliza maneno ya majirani kuwa nyumba wanayoishi ni ya marehemu mama yake.

Viongozi wa Kijiji hicho akiwemo mwenyekiti bwana Valentino Mwelange na Afisa mtendaji wake Elphasi Lulimo wamekili kutokea kwa tatizo la wazazi hao kumnyanyasa mlemavu huyo na kuahidi kusimamia haki ya mlemavu huyo na dada yake kuwa nyumba yao haiuzwi hata kama watahamia makambako.