MKUU WA WILAYA YA NJOMBE SARAH DUMBA ATAKA WALIMU WASIWARUDISHE NYUMBA WANAFUNZI KWA KUKOSA MICHANGO

 MKUU WA WILAYA YA NJOMBE SARAH DUMBA AKIWA OFISINI KWAKE AKIZUNGUMZA NA WAANDISHI WA HABARI.

Mkuu wa Wilaya Ya Njombe Bi.Sarah Dumba amewaagiza maafisa na Waratibu Elimu Wilayani Humo kuhakikisha wanatembelea shule zote za msingi na sekondari na kuwachukulia hatua kali za kidhamu walimu wote watakaobainika kuhusika na zoezi la kuwarudisha nyumbani wanafunzi kwa kukosa michango.

Kauli hiyo imekuja mara baada ya Uplands fm Kufika katika Ofisi ya Mkuu wa Wilaya huyo  kupata ufafanuzi kutokana na malalamiko ya  baadhi ya wananchi kulalamikia kurudishwa nyumbani  wanafunzi  AMBAO michango ya shule  licha ya serikali kupiga marufuku  walimu  kuwarudisha nyumbani  wanafunzi    badala yake zitafutwe mbinu za kuwawajibisha wazazi.

Aidha Bi. Dumba amewapongeza madiwani na watendaji wa kata na vijiji kwa kutoa elimu kwa wananchi juu ya kuchangia michango ya chakula shuleni na kuwataka kuhakikisha wanafuatilia walimu wanaowarudisha wanafunzi nyumbani kwa kukosa michango  na Na kuweka utaratibu mzuri wa kukusanya michango hiyo ili wanafunzi wapate elimu bora huku  wito ukitolewa kwa wazazi kuchangia chakula hicho .

Bi.Dumba amesema wananchi wanatakiwa kuhakikisha kila  mchango unaopelekwa shuleni unakatiwa stakabadhi  ya malipo ili kuepukana na ubadhilifu unaoweza kujitokeza   ambapo  changamoto za kukosekana kwa stakabadhi wachukue hatua za  kufuata sehemu husika.

Kaimu afisa elimu wa shule za Sekondari wilaya ya Njombe  Christopha Haule  amesema  taarifa hizo Za kurudishwa nyumbani  wanafunzi wa shule wilayani humo hazijamfikia na kwamba  anatarajia kutembelea  shule zote ili kubaini  tatizo hilo na kuchukua hatua kwa baadhi ya walimu wakuu waliokaidi agizo la serikali la kutorudisha nyumbani  wanafunzi  waliokosa  michango ikiwemo shule ya sekondari Ikuna.

Akijibu malalamiko ya wananchi wa kata ya Ikuna ya kurudishwa nyumbani kwa wanafunzi wasiyo timiza michango  kaimu mkuu wa shule ya Sekondari Ikuna bi.Rose mary Mhagama amekili kuwarudisha baadhi ya wanafunzi nyumbani na kwamba hatua hiyo imetokana na makubaliano ya kwenye kikao cha wazazi kilichoazimia kurudishwa  nyumbani  wanafunzi ikiwa wazazi wamekanusha haja hiyo.

 Jobu Fute  ni Afisa mtendaji wa kata ya Ikuna  ambae amekili kupata malalamiko toka kwa wananchi juu ya kurudishwa nyumbani kwa wanafunzi wa shule ya sekondari Ikuna na kwamba uongozi wa kata hiyo ulikwisha zuia wanafunzi kutorudishwa nyumbani kwa kukosa michango huku akisema anashangazwa kwa hatua inayofanywa na walimu hao na kuahidi kukutana na uongozi wa shule hiyo kujadili suala hilo.

Awali wakizungumza kwa nyakati tofauti  wananchi wa vijiji vya kata hiyo wakaweka mambo hadharani  juu ya kurudishwa  nyumbani wanafunzi wa shule hiyo na kwamba serikali imekuwa ikipiga marufuku kuwarudisha watoto lakini walimu hao wamekaidi agizo la serikali..