CHAMA CHA WALIMU MKOA WA NJOMBE C.W.T CHA TOA TAMKO JUU YA RASIMU YA MAPENDEKEZO YA WIZARA YA KAZI NA AJIRA

 MWENYEKITI WA KIKAO HICHO CHA WALIMU SHABAN AMBINDWILE MWABUNGURU AKIZUNGUMZA NA MAKATIBU WENGINE WA KUTOKA WILAYANI ZA MKOA WA NJOMBE

 KATIBU WA MKOA WA  CHAMA CHA WALIMU MKOA  WA NJOMBE BWANA TWEEDSMA ZAMBI AKIZUNGUMZA NA WAANDISHI WA HABARI LEO OFISINI KWAKE

 HAWA NI BAADHI YA WALIMU WA KUTOKA WILAYA ZA MKOA WA NJOMBE WAKIWA NJE YA OFISI YA CWT MKOA WA NJOMBE

HAWA NI BAADHI YA WALIMU WAKIHOJIANA NA WAANDISHI WA HABARI

Chama cha Walimu mkoa wa Njombe Leo kimetoa tamko kuhusu mpango

wa serikali wa kupunguza mafao ya watumishi wakistaafu baada ya

chama hicho kujadili kwa kiina rasimu ya mapendekezo ya Wizara

ya kazi na ajira kwa kushirikiana na mamlaka ya hifadhi ya

mifuko ya jamii-SSRA ya mafao ya wastaafu wanachama wa mifuko ya

pesheni kwa watumishi wa umma PSPF na watumishi wanachama wa

LAPF.

Tamko hilo limetolewa na Mwenyekiti wa kikao cha walimu bwana

Shabani Ambindwile Mwabunguru kilichowakutanisha wenyeviti na

makatibu wa vyama vya walimu wa wilaya  za Mkoa wa Njombe

ambacho kililenga kujadili juu ya kupunguzwa kwa mafao hayo na

kusema CWT Mkoa wa Njombe kimeazimia kupinga mpango huo ambao

unalenga kuwadhulumu walimu na wafanyakazi wengine mafao ya

kustaafu kama utapitishwa na kutungiwa sheria.

Aidha bwana Mwabunguru amesema kuwa maeneo yanayopingwa na chama

hicho ni pamoja na kupunguza malipo ya pesheni ya mkupuo

yanayolipwa na mifuko ya PSPF na LAPF kutoka asilimia hamsini ya

sasa hadi  kufikia asilimia 33.3 ya mshahara wa mwezi wa

mtumishi kabla ya kustaafu.

Akizungumza kwa upande wake katibu wa chama cha walimu mkoa wa

Njombe bwana Tweedsma Zambi amesema Chama hicho kimepinga kwa

nguvu zote rasimu hiyo na kwamba endapo serikali itashindwa

kupokea mapendekezo hayo ya walimu watakubaliana na hoja za

kwamba kuna serikali isiyo sikivu na inaweza kusababisha madhara

kwa jamii na wanafunzi Nchini.

Kwa upande wao makatibu na wenyeviti wa vyama vya walimu kutoka

Wilaya  za mkoa wa Njombe wamesema hawakubaliani na mapendekezo

ya serikali juu ya kupitisha kanuni ya kupunguza mafao kwa

wastaafu na kwamba wameshangazwa kuona hawajashirikishwa katika

maamuzi ya utaratibu mpya unaotarajiwa kuanzishwa.