WANANCHI WATAKIWA KUTOA TAARIFA ZA MAOVU PAMOJA NA MIGOGORO INAYOWAKABILI KWA VIONGOZI WA SERIKALI NA MUJATA

 MSHAURI WA MUUNGANO WA JAMII TANZANIA MUJATA NYANDA ZA JUU KUSINI BWANA KAYEMBA MPELEKA AKIZUNGUMZA NA BAADHI YA WAJUMBE

 HAWA NI BAADHI YA WAJUMBE  WA MUJATA

KATIBU MUJATA MKOA WA NJOMBE MICHAEL KILANGO AKIZUNGUMZA NA NA WAJUMBE

Wananchi Mkoani Njombe Wametakiwa Kutoa taarifa kwa wakati  kwa viongozi wa serikali  na Asasi zisizo za kiserikali  ambazo ni pamoja na MUJATA  ambayo imeundwa ili kusaidia kutatua migogoro na kero  zinazojitokeza ikiwemo ujambazi,Rushwa na Ukiukwaji wa haki za binadamu.

Hayo yamesemwa  na Mshauri  wa Muungano wa Jamii Tanzania MUJATA   bwana Kayemba Mpeleka  wakati akizungumza na baadhi ya Wajumbe wa Asasi hiyo kuhusiana na Kuungana na kupambana dhidi ya maovu yanayoikabili jamii ikiwemo Rushwa, Migogoro ya ardhi,imani za kishirikina na matatizo mengine ambayo ni chanzo cha  uvunjifu wa sheria  kutokana na kununuliwa kwa haki  jambo ambalo linawakandamiza  Wanyonge.

Aidha bwana Mpeleka amesema lengo la kuanzishwa kwa Muungano huo wa MUJATA hapa nchini ni kutaka  kufanya kampeni dhidi ya maovu na kuhamasisha serikali,taasisi za kidini,na mashirika mbalimbali ili kuhakikisha haki inatendeka kwa jamii  na kuleta  amani na Utulivu ikiwa  Rushwa ndiyo kilio kwa baadhi ya jamii masikini.

Kwa upande wake Katibu wa Muungano wa Jamii Tanzania MUJATA mkoa wa Njombe bwana Michael Kilango amesema kuwa  Wilaya ya Njombe imekuwa na Matukio mengi ya Migogoro ya Ardhi,mahusiano ya wanandoa  pamoja na Imani za Kishirikina ambapo MUJATA imeshiriki kikamilifu  kutatua  Kero hizo ambazo zinaikumba jamii.

Wakizungumza Mara baada ya kufahamu lengo la Kuundwa kwa Muungano wa Jamii Tanzania MUJATA,  Wajumbe wa Muungano huo wameshukuru kwa uwepo wa taasisi hiyo na kwamba watashirikiana kikamilifu ili kutatua kero mbalimbali ambazo zimekuwa ni kikwazo katika maendeleo Huku Rushwa ikitajwa  kuwa ni kikwazo kikubwa cha kuwanyima haki wanyonge.

Asasi isiyo ya Kiserikali inayojihusisha na kuunganisha jamii kwa lengo Kuzuia na Kupambana na Maovu yanayoikumba jamii Nchini  MUJATA imekuwa ikifanya kazi kwa kushirikiana na serikali katika kupambana na kero mbalimbali zinazoikabili  jamii mkoani Njombe.