NAIBU WAZIRI WA MAENDELEO YA JAMII,WANAWAKE,JINSIA NA WATOTO DKT PINDI HAZARA CHANA AFUNGUA KITUO CHA BENK YA WANAWAKE MJINI MAKAMBAKO

WANACHAMA WA BENKI HIYO WAKIWA KATIKA KUMSHANGIRIA NAIBU WAZIRI WAKATI AKISIMAMA KUTOA HOTUBA YAKE

WANACHAMA WA BENK YA WANAWAKE WAKIWA KATIKA UFUNGUZI HUO

MBUNGE WA NJOMBE KASKAZINI DEO SANGA AKIZUNGUMZA NA WANACHAMA WA BENK HIYO NA KUMSHUKURU MKURUGENZI WA BENK HIYO KWA KUSOGEZA HUDUMA HIYO MAKAMBAKO.

MKURUGENZI WA BENK YA WANAWAKE AKIMKARIBISHA NAIBU WAZIRI WA MAENDELEO YA JAMII,WANAWAKE JINSIA NA WATOTO DKT PIND HAZARA CHANA

 MKURUGENZI WA BENK YA WANAWAKE TANZANIA BI.MAGRATE CHACHA AKITOA TAARIFA FUPI YA MAENDELEO YA BENK HIYO

 NAIBU WAZIRI WA MAENDELEO YA JAMII,WANAWAKE,JINSIA NA WATOTO DKT PIND HAZARA CHANA AKITOA HOTUBA YAKE KWA WANACHAMA WA BENK YA WANAWAKE MJINI MAKAMBAKO

CHEREKOCHEREKO BAADA YA UFUNGUZI WA TAWI KUMALIZIKA

KWA MAKINI KABISA WAKINA MAMA WAKISIKILIZA HOTUBA YA MGENI RASMI

Naibu waziri wa maendeleo ya Jamii, wanawake,Jinsia na Watoto Dkt Pindi Hazara Chana amezindua  Kituo  cha  benki ya wanawake katika halmashauri ya Makambako mkoani Njombe ambapo pamoja na mambo mengine amewataka  wananchi kujiunga na Benki hiyo pasipo kujali jinsia.

Akizungumza na wanachama wa Benki ya wanawake wa kutoka Wilaya ya Wanging'ombe,halmashauri ya mji Na Wilaya  ya Njombe na Makambako Dtk  Pindi Chana amesema kuwa wananchi wanatakiwa kuzitumia fursa mbalimbali ikiwemo kujiunga na benki zenye masharti nafuu ambazo zitawasaidia akina mama na wananchi wengine wenye kipato cha chini.

Aidha Naibu waziri Chana amemuomba mkurugenzi wa Benki ya wanawake Bi.Magreth Chacha kusogeza  huduma hiyo ya benki ya wanawake katika maeneo mbalimbali ya mkoa wa Njombe ikiwemo Wilaya ya Wanging'ombe,Njombe,Ludewa na Makete huku akiwataka wanachama  wa benki hiyo kuzingatia masharti ya mikopo kwa kutokiuka urejesha wa mikopo hiyo na kwamba serikali itahakikisha inashirikiana kikamilifu ili kupambana na wimbi la umasikini.

Amesema  kuwa viongozi wa benki hiyo  kwa kushirikiana na viongozi wa serikali za vijiji na mitaa pamoja na wanachama wawafikie wananchi wengine kutoa elimu ya kujiunga na benki hiyo huku wakitakiwa kuwa makini katika suala la kurejesha mikopo  ili kukuza huduma hiyo ya benki ya wanawake mkoa wa Njombe.

Awali akisoma taarifa ya maendeleo ya Benki ya wanawake  Mkurugenzi wa Benki hiyo Tanzania bi. Magreth Chacha amesema kuwa Benki  ya wanawake ilianza  mwaka 2009  kwa kufunguliwa na Rais Jakaya Kikwete kwa lengo la kuwainua wanawake  kiuchumi ambapo ilianza na mtaji wa shilingi milioni mbili nukta nane  na kufikia shilingi bilioni mbili nukta tatu ambayo ipo kwa sasa na kusema kuwa ufunguzi wa benki hiyo ni ukombozi kwa wanawake.

Kwa upande wao wanachama wa benk hiyo ambao wameshiriki wakati wa uzinduzi wa kituo cha Benki hiyo mjini Makambako wameshukuru serikali kwa kuunga mkono kuanzishwa kwa benk hiyo na kwamba itawasaidia katika kukabiliana na wimbi la umasikini kwani mwananchi anaruhusiwa kujiunga hata kama anashiringi elfu tatu.