JESHI LA POLISI MKOA WA NJOMBE LA KEMEA TABIA YA WANANCHI KUJICHUKULIA SHERIA MKONONI

KAMANDA WA JESHI LA POLISI MKOA WA NJOMBE SACP FULGENCE NGONYANI AKIWA OFISINI KWAKE LEO

Kutokana na Ongezeko la Matukio Hayo Jeshi la Polisi Mkoani Njombe Limesema

Halitasita Kuwachukulia Hatua Kali za Kisheria Wale Wote Watakaobainika Kujichulia

Sheria Mkononi Dhidi ya Wahalifu Au Matukio ya Aina Yeyote Katika Jamii.

Rai Hiyo Imekuja Kufuatia Kuwepo Kwa Watu Wanaojichukulia Sheria Mikononi Dhidi ya

Wahalifu Badala ya Kuwafikisha Katika Vyombo Vya Sheria Kuliko Kuchukua Sheria

Mikononi Kwani Kufanya Hivyo ni Kosa La Jinai.

Akizungumza na Uplands Fm Radio Kamanda wa Jeshi la Polisi Mkoani Njombe Kamanda

wa Jeshi Hilo Fulgence Ngonyani Amesema  Kumekuwepo na Watu Wanaojichukulia

Sheria Mikononi Hivyo Jeshi la Polisi Litahakikisha Linawakamata na Kuwafikisha Katika

Vyombo Vya Sheria Ili Kuwa Fundisho Kwa Wengine.

Kamanda Ngonyani Amewataka Wananchi Kutoa Ushirikiano Kwa Jeshi la Polisi Katika

Kuwafichua Wahalifu Kwenye Jamii Ambapo Amesema Kwa Ushirikiano Huo Suala la

Uhalifu Linaweza Kupungua  Endapo Ushirikiano Utatolewa.

Suala la Kuchukua Sheria Mkononi ni Kosa la Jinai Hivyo Wananchi Wanawajibu wa

Kutambua Kuwa Sheria Ndiyo Chombo Cha Usuluhishi Huku Ushirikiano Kwa Jeshi la

Polisi Ukipewa Kipaumbele Kufichua Uhalifu Mjini Njombe.

Katika hatua nyingine Jeshi hilo linawashikilia watu wawili  Sharif Mhagama na Ally

Mlelwa kwa tuhuma za kupatikana na dawa za kulevya aina ya bangi  kinyume na sheria.

Kamanda wa jeshi la polisi mkoa wa Njombe SACP Fulgence Ngonyani amesema kuwa

watuhumiwa hao Sharifu Mhagama na Ally Mlelwa walikamatwa na dawa hizo baada ya

msako mkali uliofanywa na kikosi cha jeshi la polisi mnamo mei 27 majira ya saa moja na

nusu jioni wakiwa mtaa wa Chaugingi