WAZIRI WA MIFUGO NA UVUVI APONGEZA MAENDELEO YA MKOA WA NJOMBE

 NA HAWA NI KUKU WA KISASA WA MJASILIAMALI HUYO

 HAWA NI KUKU WA KYENYEJI

 WAZIRI WA MAENDELEO YA MIFUGO NA UVUVI TITUS KAMANI AKIWA KATIKA MABANDA YA MFUGAJI KIJIJI CHA WIKICHI MJINI NJOMBE

 HUYU NI MFUGAJI WA KUKU,NG'OMBE NA SAMAKI M JINI NJOMBE BWANA MGIMBA

 WAZIRI KAMANI AKIKAGUA MABWAWA YA SAMAKI MJINI NJOMBE

 HAYA NI MABWAWA YA MFUGAJI HUYO WA KIJIJI CHA WIKICHI MJINI NJOMBE BWANA MGIMBA

BAADA YA KUKAGUA MIRADI HIYO HAPA ANAONGEA NA WANANCHI
WAZIRI KAMANI

Waziri wa maendeleo ya mifugo na Uvuvi Dkt  Titus Kamani ameupongeza uongozi wa mkoa wa Njombe na halmashauri zake kwa jitihada mbalimbali wanazozifanya za kutekeleza miradi kwa manufaa ya jamii na kizazi cha baadae kwa kuhimiza chakula na unywaji wa maziwa shuleni pamoja na ufugaji wa mifugo ya ng'ombe wa maziwa na wasiyo wa maziwa,kuku,samaki na mifugo mingine.

Akizungumza na wananchi wa kijiji cha Ikelu mwishoni mwa wiki iliyopita akiwa kwenye ziara ya siku tatu mkoani Njombe Waziri Kamani amesema kuwa amefurahishwa kuona shule mbalimbali mkoani hapa zimeingizwa kwenye mpango wa kutumia maziwa  jambo ambalo litasaidia kuongeza ufahamu katika masomo na ufauru kwa wanafunzi.

Aidha Dkt Kamani amesema kuwa mpango huo wa unywaji wa maziwa umewekwa kitaifa licha ya kuwa haupo mikoa yote ambapo amewashukuru wazazi kwa kukubali kuchangia mchango wa unywaji wa maziwa shuleni na kuwataka kuendelea   na mpango huo kwani   maziwa yanaongeza uwezo wa kufikiri huku  akiziomba serikali za vijiji kuhamasisha mpango huo wa  kupewa  maziwa nyumbani na shuleni.


Hata hivyo waziri Kamani akiwa katika mradi wa ufugaji wa kuku na Samaki wa mjasiliamali wa kijiji cha Wikichi mjini Njombe amewataka wananchi kuwa na tabia ya kutembelea miradi inayotekelezwa na baadhi ya wajasiliamali ili kujifunza na kuiga mfano huo na kwamba wanatakiwa kujikiti katika ufugaji wa kuku na kuanzisha mashamba darasa kwaajili ya kujikwamua kiuchumi Ambapo changamoto ya kukosekana kwa wataalamu wa Samaki akaahidi kwenda kulitafutia ufumbuzi.

Katika taarifa yake mwalimu mkuu wa shule ya msingi Ikelu bwana  Danny Mhema amesema kuwa kumekuwa na imani potofu juu ya unywaji wa maziwa ambapo baadhi ya wazazi wamekuwa wakiamini kuwa mradi wa maziwa ni wakujinufaisha kwa walimu na wazalishaji wa maziwa jambo ambalo limesababisha kuwepo kwa uchangiaji mdogo kwa baadhi ya wazazi  .

Katika Risala ya mfugaji wa kuku,samaki na Ng'ombe bwana Aidan Mngimba amesema kuwa ana jumla ya kuku wa asili mia sita  na kuku wa mayai elfu moja  mia sita ikiwa alianza na kuku watano mwaka 2004 na mwaka 2005 alianza kufuga ng'ombe watano wa kyenyeji ambapo kutokana na kukosekana kwa maeneo ya kuchungia aliamua kufuta mradi huo na kuanzisha mradi wa ng'ombe wa kisasa kwaajili ya maziwa.