JESHI LA POLISI LIMETHIBITISHA KIFO CHA MTUMISHI MMOJA WA MUNGU NA WAWILI KUJERUHIWA KWA AJALI NJOMBE

 KAMANDA WA JESHI LA POLISI MKOA WA NJOMBE FULGENCE NGONYANI AKIWA OFISINI KWAKE.

Jeshi la polisi mkoani Njombe linamshikilia dereva mmoja Bwana Sadick Twaha kwa

tuhuma za kusababisha kifo cha  sister  Cloudia Ngailo mkazi wa parokia ya Madunda

wilayani Ludewa baada ya kugongwa na gari lenye namba za usajili T 524 CRV yenye tera

T 641 mali ya bwana Evarist Freight   wa Dar es Salaam iliyokuwa ikiendeshwa na bwana

Sadick Twaha mkazi wa Isaka Kahama.

Akiongea na mtandao huu kamanda wa jeshi la polisi mkoa wa Njombe SACP Fulgence

Ngonyani amethibitisha kutokea kwa tukio hilo na kusema kuwa katika ajali hiyo

imesababisha majeruhi wawili  akiwemo padre Francis Mligo ambae alikuwa dereva wa

gari dogo namba T 185 AWP aina ya Landrover Discover  mali ya Kanisa Katholiki 

Njombe.

Aidha Kamanda Ngonyani amesema kuwa majeruhi mwingine ni Sister Eitropia  Mgani 

mkazi wa parokia ya Ihanga ambae hali yake siyo nzuri ikiwa majeruhi wote wamelazwa

nkatika hospitali ya Kibena  kwa matibabu zaidi.

Kamanda huyo amesema kuwa tukio hilo limetokea mnamo machi 10 mwaka huu majira

ya saa moja na dakika 40 asubuhi katika kijiji cha Limage kata ya Yakobi Wilayani Njombe 

barabara ya Njombe Songea ambapo chanzo cha ajali hiyo bado kinaendelea

kuchunguzwa.