KWA MARA YA KWANZA MADIWANI LEO WAMEANZA KUWASILISHA TAARIFA ZA KATA KWENYE BARAZA NJOMBE NA WANGING'OMBE.

 Wajumbe wa baraza la madiwani kwa awamu ya kwanza kwa kuanza na mfumo mpya wa madiwani kuwasilisha taarifa za kata.

 Madiwani wakipitia taarifa za kata kabla ya kuwasilisha kwenye baraza hilo leo.

 Mkurugenzi wa Halmashauri ya wilaya ya Njombe bwana Paulo MALALA ambaye alikuwa katibu wa kikao cha madiwani leo akiongoza kikao hicho.

 Madiwani wakiwa kwenye kikao cha baraza kwa kuanza na uwasilishaji wa taarifa za utekelezaji wa miradi ya maendeleo ya kata zao.

 Madiwani wakitoka majira ya saa Moja kasoro jioni ya leo mara baada ya kikao hicho kuahirishwa na kuendelea mapema kesho kabla ya baraza la kawaida kuanza.

Kwa mara ya kwanza madiwani wa Halmashauri ya wilaya ya Njombe na Wanging'ombe wameanza kutoa taarifa za utekelezaji wa miradi ya maendeleo katika kata zao

Katika uwasilishwaji wa taarifa hizo kata ya Mtwango imekuwa ya kwanza kuwasilisha taarifa yake ikiwasilishwa na afisa mtendaji wa kata hiyo bwana Jimson Mwanza kwa niaba ya Diwani ambaye ni mwenyekiti wa halmashauri bwana Valence Kabelege ambapo naye alishindwa kufika katika kikao hicho kwa sababu zisizozuilika.

Aidha taarifa ya kata hiyo imeiomba halmashauri kutoa elimu ya utawala bora kwa viongozi waliochaguliwa hivi karibuni kutokana na vongozi wengi kudaiwa kutokuwa na elimu hiyo.
 
Kata ya kipengele imeonekana kufanya vizuri katika ukusanyaji wa mapato ya kesi za baraza la ushauri kuliko kata nyingine zote zilizowasilisha taarifa zao kwa siku ya jana huku Diwani wa kata ya Kipengele Bwana Lukemelo Mgaya amesema jumla ya kesi 31 zimeshughulikiwa kwa kupata mapato ya zaidi ya shilingi milioni moja huku kata nyingine zikionekana kuwa chini kimapato katika suala la mashauri

Kwa upande wake diwani wa kata ya Igongolo bwana Ayoub Mkane amesema kuwa zaidi ya shilingi milioni nane zilipatikana katika makusanyo ya kipindi cha miezi mitatu huku Fedha hizo zikiwa zimekusanywa kutoka kwenye vyanzo mbalimbali ikiwemo biashara ya pombe za kienyeji,Mbao,mazao,vioski,ukaguzi wa nyama huku baraza likiwa na jumla ya kesi tano tu kwa kipindi hicho.