WANASHERIA NCHINI WATOE USHIRIKIANO KWA MAHAKAMA KUMALIZA MASHAURI HARAKA

MAANDAMANO KATIKA KILELE CHA SIKU YA SHERIA NCHINI NJOMBE

MKUU WA WILAYA YA NJOMBE BI.LUTH MSAFIRI AKIWA MGENI RASMI KWA NIABA YA MKUU WA MKOA WA NJOMBE

MAWAKILI WA SERIKALI NA WAKUJITEGEMEA

MAHAKIMU WA MAHAKAMA ZA MWANZO MKOANI NJOMBE

MWAKILISHI WA MWANASHERIA MKUU WA SERIKALI MATIKU  NYANGERO AKISOMA TAARIFA YA MWANASHERIA MKUU WA SERIKALI.

MWAKILISHI WA CHAMA CHA MAWAKILI  AFRIKA MASHARIKI EDWIN  ENOS SWALE AKISOMA TAARIFA YA SHERIA

NJOMBE

Mkuu wa Mkoa wa Njombe Christopha Ole Sendeka  Amezitaka Mahakama  na Vyombo  vya Kisheria  Kuzingatia  wakati wa kushughulikia  kesi  na kuwa wepesi  katika kupokea ,kuchunguza kesi,kuhukumu na kutoa  nakala  za hukumu kwa wakati  na kwamba haki ikitolewa kwa wakati  itachochea ukuaji wa uchumi wa Taifa na mtu Binafsi.

Akizungumza kwenye Kilele cha Maadhimisho ya Siku ya Sheria  Nchini kwa niaba ya Mkuu wa Mkoa wa Njombe  Christopha Ole Sendeka ,Mkuu wa Wilaya  ya Njombe Luth Msafiri amepongeza kwa kauli mbiu  ya mwaka huu inayosema  Umuhimu wa Utoaji Haki Kwa Wakati Kuwezesha Ukuaji wa Uchumi na kwamba kauli mbiu hiyo inadhihirisha Umakini,na Weledi wa kuunga mkono kukua kwa kasi na viwango kwa uchumi wa taifa la Tanzania.

Bi.Msafiri amesema  kasi hiyo itasaidia kufikia uchumi wa Viwanda  ifikapo  2025  ambapo amewaomba wanasheria  wa kujitegemea na serikali kutoa mchango wao  kwa makusudi ya  kusaidia  Mhimili  wa Mahakama uweze kutimiza jukumu lake la  kutafsiri  sheria  na kutoa haki  za wadau  katika mashauri  mbalimbali  kwa kutumia muda mfupi na kwa tija kubwa.

Bi.Msafiri Pia amewaomba wanasheria  Mkoa wa Njombe  kuzingatia  sheria ,Utu, Uaminifu,Uadilifu na uwajibikaji huku akitaka washiriki  kupiga vita  adui wa haki  ambaye ni  Rushwa kwa kutoa ushirikiano kwa vyombo vingine  ikiwemo Taasisi ya kuzuia na kupambana na Rushwa Nchini Takukuru.

Akitoa taarifa ya mahakama  Kaimu Hakimu  Mkazi  mfawidhi  wa mahakama ya Hakimu mkazi  Mkoa wa Njombe John Kapokoro Amesema jumla ya mashauri 408  hayajamalizika katika mahakama zilizopo kwenye Wilaya za   Mkoa wa Njombe na kutaka kushirikiana na mawakili wa serikali, na wakujitegemea  kukamilisha mashauri hayo huku  Mahakimu nao wakitakiwa kufanya kazi zao kwa mujibu wa sheria.

Wakisoma taarifa  mbalimbali  mawakili wa serikali na kujitegemea akiwemo Mwakilishi wa chama cha mawakili Afrika Mashariki Edwin Swale na Wakili wa serikali Matiku Nyangero wamesema Mahakama  inakabiliwa na changamoto mbalimbali ikiwemo mashauri kuchelewa kuanza kusikilizwa ,upelelezi kutokamilika na kuathili utoaji wa haki mahakamani.

Baada ya kuhitimisha Hotuba yake mgeni rasmi  amelazimika kwenda kusikiliza kesi  moja ya Matumizi ya madawa ya kulevya   inayowakabili watuhumiwa wawili wakazi wa mtaa wa National Housing Michael Danda na  Shakila Mbena ambayo Hakimu Mkazi mfawidhi wa Mahakama ya Wilaya Njombe John Kapokoro ameahirisha shauri hilo hadi tarehe 7 mwezi februari  mwaka  huu itakapokwenda kusikilizwa tena.

Awali Wakili wa Serikali  Matiku Nyangero ameiambia Mahakama kuwa Washtakiwa Michael Danda Na Shakira Mbena  Wakiwa kama Mke na Mume walikutwa na Kete 96 za bangi nyingine zikiwa chumbani kwao na nyingine zikiwe kwenye Mdori Karibu na mlango wa kuingilia chooni  ambapo walikutwa nazo mnamo  septemba 26 mwaka 2016.

Hakimu Kapokoro ameahirisha kesi hiyo na itakwenda kusikilizwa tarehe 7 mwezi wa pili mwaka huu kutokana na mashahidi kutokuwepo  ambapo ameagiza kuwaandikia kwa samanzi na kuwapelekea  mashahidi ili tarehe hiyo waweze kufika kutolea ushahidi wao huku washtakiwa wakiachiwa kwa dhamana .
.........................................................................................................................................................................................................