ST.BENEDICT YAADHIMISHA MAHAFARI YA DARASA LA SABA

 DIWANI WA KATA YA RAMADHANI GEOGE MENSON SANGA AKIWA MGENI RASMI AMEAHIDI KUONESHA USHIRIKIANO WA KUTATUA TATIZO LA MAJI

 DIWANI KATA YA RAMADHANI AKIWA MGENI RASMI HAPA ANASALIMIANA NA MKURUGENZI WA SHULE HIYO BI. ANNA  Zocca PAMOJA NA WALIMU WENGINE WA SHULE HIYO

 Wanafunzi wanaobaki wakiburudisha umati wa wazazi waliofika kusherehekea sherehe hizo

 Hawa ni wazazi wakitoa nasaha kwa wanafunzi wanaobaki na wanaoondoka  na kwa wazazi wengine wenye tabia za kutowaendeleza masomo

 WANAFUNZI WA SEKONDARI NAO HAWAKUWA NYUME WAKASOMA RISALA KWA MGENI RASMI

NJOMBE

Diwani wa kata ya Ramadhani mjini Njombe Menson Geoge Sanga ameahidi kuzitatua changamoto za ukosefu wa  huduma za maji katika taasisi mbalimbali  za elimu  na  afya kwa kushirikiana na mamlaka ya maji Njombe mjini JUWASA.

Diwani wa kata ya Ramadhani bwana Sanga ametoa Ahadi hiyo  wakati akiwa mgeni rasmi kwenye mahafari ya 13 ya kuwaaga wanafunzi  wa darasa la saba katika shule ya Mtakatifu ST.Benedict.

Bwana Sanga  amesema pamoja na kuwepo kwa  changamoto ya ukosefu wa maji ya bomba kwa baadhi ya mitaa ya kata hiyo serikali imeliona tatizo na kuanza kutekeleza kwa baadhi ya mitaa ikiwemo  mitaa ya Kibena.

Akimkaribisha Mgeni rasmi kuzungumza na wazazi na wanafunzi wanaoagwa na wanaobaki mkurugenzi wa shule ya St.Benedict   Anna Zocca  Amepongeza wazazi kwa ushirikiano walioonesha na kutaka waendelee nao ili kutoa elimu bora kwa watoto.

Awali akisoma risala fupi kwa niaba ya wanafunzi wanaoagwa  Tunukiwa Magwaza amesema jumla ya wanafunzi 47  wa darasa la saba wanakwenda kufanya mtihani wa mwisho wa Taifa unaotarajia kuanza wiki  ijayo na kwamba shule hiyo inakabiliwa na tatizo la kukosekana kwa huduma za maji na kukwamisha jitihada za masomo.

Kwa Upande Wao baadhi ya wazazi wakizungumza mbele ya mgeni rasmi wameshukuru uongozi wa shule hiyo kwa kuwalelea watoto wao vizuri kimaadili,na kidini  huku  wakiomba  wanafunzi hao kwenda kuendelezwa kimasomo pindi watakapo kuwa wamefauru mtihani wa taifa.