WATATU WAFARIKI PAPO HAPO KATIKA MATUKIO MAWILI TOFAUTI LEO NJOMBE

 KAMANDA WA JESHI LA POLISI MKOA WA NJOMBE PUDENSIANA PLOTAS  AKIZUNGUMZA NA WAANDISHI WA HABARI OFISINI KWAKE.

Jeshi La Polisi Mkoa Wa Njombe  Limethibitisha Kutokea Kwa Vifo Vya Watu Watatu Vilivyotokana Na Matukio Mawili Ya Ajali Za Pikipiki  Kugongwa Na Magari  Likiwemo La Mwendesha Pikipiki Waiton Wilfred Mwenye Umri Wa Miaka 32 Mkazi Wa Lyamkena  Mjini Makambako Ambayo Imetokea Eneo La Lutilage Barabara Ya Njombe Songea Iliyotokea Majira Ya Saa Kumi Na Moja Alfajiri.

Akizungumza Na Uplands Fm  Kamanda Wa Jeshi La Polisi Mkoa Wa Njombe Pudensiana Plotas  Amesema  Gari  Ambalo Halikufahamika Namba  Wala Dereva  Wake  Likiwa Linatokea Mjimwema Kuelekea  Makambako Limemgonga Dereva Wa Pikipiki Namba T 411 BQG  Aina Ya Sunlg Iliyokuwa Ikiendeshwa Na Waiton Wilfred  Na Kumsababishia Kifo Chake Huku Dereva Akikimbilia Kusikojulikana.

Kamanda Plotas Amesema  Jeshi La Polisi Linaendelea Na Jitihada Za Kutafuta Gari Hilo Na Dereva Wake  Huku Wananchi Wakiombwa Kutoa Ushirikiano Kwa Jeshi Hilo  Katika Kufanikisha Kulipata Gari Na Dereva Aliyekimbia Ili Aweze Kufikishswa Kwenye Vyombo Vya Sheria  Kujibu Tuhuma Zinazomkabili Ambapo Chanzo Cha Ajali Hiyo Bado Kinachunguzwa .

Katika Tukio Lingine  Watu Wawili  Wamefariki  Baada Ya Pikipiki Waliyokuwa Wakitembelea  Kugonga  Gari Aina Ya Canter  Na Kusababisha Kifo Cha  Yustin Kihombo Na Damas  Lulambo Ambaye Alikuwa Dereva  Wa Pikipiki  Hiyo Aina Ya Boxer  Tukio Ambalo Limetokea Majira Ya Saa Tatu Asubuhi Ambapo Kamanda Wa Polisi Mkoa Wa Njombe Amethibitisha Kutokea Kwa Tukio Hilo.

Kamanda Plotas Ametoa Wito Kwa Madereva Wa Vyombo Vya Moto Kuwa Makini Na Kufuata Taratibu Za Sheria Za Usalama Wa Barabarani Huku Akisema Ajali Ikitokea Madereva Wanapaswa  Kujisalimisha Kwenye Kituo Cha Polisi Kwa Usalaama Wao Kuliko Kutoroka Mara Wanapokuwa Wamesababisha Ajali Hizo.

Kwa  Upande Wake Afisa Mtendaji Wa Kijiji Cha Kichiwa  Erasto Kapinga Amesema  Gari Hilo Aina Ya Canter  Lilikuwa Likivuka Barabara Kuelekea Upande Wa Pili    Lakini Dereva Wa Pikipiki Alishindwa  Kutambua Mapema  Na Kusababisha Pikipiki  Kujigonga Kwenye Gari  Hilo  Na Kutokea Vifo Hivyo Vya Papo Hapo Vya Wakazi Wa Kijiji Cha Kichiwa.

 Awali Wakizungumza Na Uplands Fm Baadhi Ya Mashuhuda Wa Tukio Hilo Wamesema  Mwili Wa Marehemu Umekutwa Kwenye Mtaro Wa Maji  Majira Ya Saa Kumi Na Moja Alfajili Ukiwa Hauna Kichwa Ambapo Majira Ya Saa Moja Asubuhi Kichwa Kimeonekana Umbali Wa Takribani Mita  30 Kutoka Eneo La Ajali  Huku Ubongo Ukionekana Kuachana Na Kichwa Hicho.