DIWANI MPYA WA KATA YA NJOMBE MJINI AAPISHWA RASMI LEO KATIKA MAHAKAMA YA WILAYA

AGREY MTAMBO AKIAPISHWA RASMI KUANZA KAZI LEO KATIKA MAHAKAMA YA WILAYA YA NJOMBE

DIWANI WA KATA YA NJOMBE MJINI AKIAPISHWA MAHAKAMA YA WILAYA YA NJOMBE

BAADHI YA WANANCHI PAMOJA NA WAANDISHI

DIWANI NA MKEWE WAKIWA KATIKA PICHA YA PAMOJA KATIKA MAHAKAMA YA WILAYA BAADA YA KUKAMILIKA KWA ZOEZI LA KUAPISHWA

MKEWE NA DIWANI  ALIYESIMAMA   UPANDE WA KULIA,WA KATIKATI NI HAKIMU MKAZI MFAWIDHI MWANDAMIZI WA MAHAKAMA YA WILAYA YA NJOMBE NA ALIYESHIAKANA MKONO NA HAKIMU NI DIWANI WA KATA YA NJOMBE MJINI ALIYEKUWA ANAAPISHWA.

BAADHI YA WANANCHI WAKIWA KATIKA PICHA YA PAMOJA NJE YA MAHAKAMA YA WILAYA YA NJOMBE

PICHA ZOTE NA ZAWARD A. NGOLE


Hakimu Mkazi Mfawidhi Mwandamizi wa Mahakama ya Wilaya ya Njombe Augustine Rwizile Hii Leo Amemuapisha Rasmi Diwani wa Kata ya Njombe Mjini Agrey Joseph Mtambo Kupitia Chama cha Demokrasia na  Maendeleo CHADEMA.

Hakimu Rwezile Amemtaka Diwani Huyo Kufanyakazi Kwa Kufuata Misingi ya Uongozi Pamoja na Kutatua Changamoto Zinazowakabili Wananchi Anaowaongoza na Kuweka Maslahi ya Kata Mbele Badala Ya Maslahi Yake Binafsi.

Akizungumza Mara Baada ya Kuapishwa Diwani wa Kata ya Njombe Mjini Agrey Mtambo Amewashukuru Wakazi wa Kata ya Njombe Mjini Kwa Kumchagua Kuwa Diwani Wao Huku Akiwaomba Kuondoa Itikadi Zao za Vyama na Badala Yake Washirikiane Kuleta Maendeleo ya Kata Hiyo.

Awali Akiapa Mbele ya Hakimu Mkazi Mfawidhi Mwandamizi wa Mahakama ya Wilaya ya Njombe Augustine Rwizile, Diwani Agrey  Mtambo Ameahidi Kuitumikia Halmashauri ya Mji wa Njombe na kufuata misingi bora ya uongozi.

Amesema kuwa kufuatia kuapishwa kwake rasmi tayari amekwisha kuweka mipango ya kuwatembelea wananchi wake wa kata hiyo kwa lengo la kuwashukuru kwa kumchagua pamoja na kujadili namna ya kutatua matatizo yanayowakabili na kuendeleza miradi ya maendeleo iliyopo katika kata hiyo.

Kwa Upande Wao Baadhi ya Wananchi Waliohudhuria Zoezi la Kuapishwa Kwa Diwani Huyo Wamempongeza Kwa Kuchaguliwa Kuiongoza Kata ya Njombe Mjini na Kumtaka Kushirikiana na Uongozi wa Halmashauri ya Mji Katika Kutatua Changamoto Zinazowakabili Wakazi wa Kata Hiyo.

Diwani Agrey Mtambo Ameapisha Rasmi Hii Leo Kuwa Diwani wa Kata ya Njombe Mjini Ikiwa ni Takribani Siku Kumi na Mbili Tangu Kumalizika Kwa Uchaguzi Mdogo wa Udiwani wa Kata Hiyo Uliofanyika Februari Tisa Mwaka Huu na Kuibuka Mshindi Kwa Kupata Kura 2222 na Kumshinda MPinzani Wake Kutoka CCM Aliyepata Kura 1094.